വാണിജ്യ ആവശ്യങ്ങള്ക്കായി ഉപയോഗിക്കുന്ന സിലിണ്ടറിന്റെ വില കുറച്ചു. വാണിജ്യ ആവശ്യങ്ങള്ക്കായി ഉപയോഗിക്കുന്ന 19 കിലോ എല്പിജി സിലിണ്ടറിന് 101 രൂപയാണ് കുറച്ചിരിക്കുന്നത്. ഇതോടെ സിലിണ്ടറിന്റെ വില 1902.50 രൂപയായി.
അതേ സമയം വീടുകളില് ഉപയോഗിക്കുന്ന പാചക വാതക സിലിണ്ടറിന്റെ വിലയില് മാറ്റമില്ല.
ഈ വര്ഷം ആദ്യവും വാണിജ്യ സിലിണ്ടറുകളുടെ വില കുറച്ചിരുന്നു. 19 കിലോ എല്പിജി സിലിണ്ടറിന് 102.50 രൂപയാണ് നേരത്തെ കുറച്ചിരുന്നത്. ഡിസംബറില് എല്പിജിക്ക് 101 രൂപ കൂട്ടിയിരുന്നു. ഇതാണ് ജനുവരിയില് കുറച്ചത്. ഇതേ തുടര്ന്ന് വാണിജ്യ സിലിണ്ടര് വില 1994 രൂപ ആയിരുന്നു. ഈ വിലയിലാണ് ഇപ്പോള് വീണ്ടും കുറവ് വന്നിരിക്കുന്നത്.