പുല്വാമ ഭീകരാക്രമണത്തിന്റെ ഒന്നാം വാര്ഷികത്തില് ആക്രമണത്തില് ജീവന് പൊലിഞ്ഞ സി.ആര്.പി.എഫ് ജവാന്മാര്ക്ക് ആദരാജ്ഞലി അര്പ്പിച്ച് പ്രധാനമന്ത്രി നരേന്ദ്ര മോദി.
“കഴിഞ്ഞ വര്ഷം നടന്ന പുല്വാമ ഭീകരാക്രമണത്തില് ജീവന് നഷ്ടപ്പെട്ട ധീരരായ രക്തസാക്ഷികള്ക്ക് ആദരാഞ്ജലികള്. നമ്മുടെ രാജ്യത്തെ സേവിക്കുന്നതിനും സംരക്ഷിക്കുന്നതിനും വേണ്ടി ജീവിതം സമര്പ്പിച്ച വിശിഷ്ട വ്യക്തികളായിരുന്നു അവര്. അവരുടെ രക്തസാക്ഷിത്വം ഇന്ത്യ ഒരിക്കലും മറക്കില്ല” പ്രധാനമന്ത്രി ട്വീറ്റിലൂടെ പറഞ്ഞു.
അതേസമയം 40സി.ആര്.പി.എഫ്. ജവാന്മാരുടെ ജീവനെടുത്ത പുല്വാമ ഭീകരാക്രമണത്തിലൂടെ ആര്ക്കാണ് നേട്ടമുണ്ടായതെന്ന ചോദ്യവുമായി രാഹുല് ഗാന്ധി കേന്ദ്ര സര്ക്കാരിനെതിരെ രംഗത്തെത്തി. മൂന്ന് ചോദ്യങ്ങളാണ് പുല്വാമ ആക്രമണത്തോടനുബന്ധിച്ച് രാഹുല് സര്ക്കാരിന് നേരെ ഉയര്ത്തിയത്.
പുല്വാമ ഭീകരാക്രമണത്തില് ആര്ക്കാണ് കൂടുതല് പ്രയോജനമുണ്ടായത്? ആക്രമണത്തിന്റെ അന്വേഷണ ഫലം എന്തായി..? ആക്രമണത്തിന് അനുവദിച്ചു കൊണ്ട് സുരക്ഷാ വീഴ്ച വരുത്തിയ ബിജെപി സര്ക്കാരില് ആരാണ് അതിന് ഉത്തരവാദി..? എന്നീ ചോദ്യങ്ങളാണ് രാഹുല് ഗാന്ധി ഉയര്ത്തിയത്.