പോക്‌സോ കോസില്‍ ഫോര്‍ട്ട്‌കൊച്ചി നമ്പര്‍ 18 ഹോട്ടല്‍ ഉടമ റോയ് വയലാട്ടിന്റെയും സൈജു തങ്കച്ചന്റെയും മുന്‍കൂര്‍ ജാമ്യാപേക്ഷ ഇന്ന് ഹൈക്കോടതി പരിഗണിക്കും. പരാതിക്കാര്‍ ഭീഷണിപ്പെടുത്തി പണം തട്ടിയെടുക്കാന്‍ ശ്രമിക്കുകയാണ് എന്നാണ് ഹര്‍ജിയില്‍ പറയുന്നത്.
ഹോട്ടലില്‍ എത്തിയ അമ്മയെയും മകളെയും ലൈംഗികമായി ഉപദ്രവിച്ചു എന്നാണ് ഇവര്‍ക്കെതിരെയുള്ള കേസ്. മോഡലുകളുടെ മരണത്തിന് ശേഷം ചില്‍്ര മനപ്പൂര്‍വ്വം പ്രത്യേക ലക്ഷ്യങ്ങളോടെ തന്നെ കുടുക്കാന്‍ ശ്രമിക്കുകയാണ്. ഈ പുതിയ കേസ് അതിന്റെ ഭാഗമാണ് എന്നും ഹര്‍ജിയില്‍ പറയുന്നു.
കോഴിക്കോട് സ്വദേശിയായ യുവതിയാണ് പരാതി നല്‍കിയത്. യുവതിയും മകളുമാണ് പരാതിക്കാര്‍. നമ്പര്‍18 ഹോട്ടലില്‍ വെച്ച് 2021 ഒക്ടോബര്‍ 20ന് ഇവര്‍ക്ക് നേരെ അതിക്രമമുണ്ടായി എന്ന് പരാതിയില്‍ പറയുന്നു. ഇവരുടെ പരാതിയെ തുടര്‍ന്ന് കഴിഞ്ഞ ആഴ്ചയാണ് ഹോട്ടല്‍ ഉടമയായ റോയി വയലാട്ട്, സൈജു തങ്കച്ചന്‍ അഞ്ജലി എന്നിവര്‍ക്ക് എതിരെ പൊലീസ് കേസെടുത്തത്. ഫോര്‍ട്ട് കൊച്ചി പൊലീസാ് കേസെടുത്തത്. പിന്നീട് കേസ് മോഡലുകളുടെ മരണം അന്വേഷിക്കുന്ന സംഘത്തിന് കൈമാറി.
