രാഹുല് ഈശ്വറിനെതിരെ നടിയുടെ പരാതിയില് കേസെടുത്ത് പൊലീസ്. സ്ത്രീത്വത്തെ അപമാനിച്ചുവെന്ന പരാതിയിലാണ് കേസെടുത്തിരിക്കുന്നത്. എറണാകുളം സെന്ട്രല് പൊലീസ് ആണ് രാഹുല് ഈശ്വറിനെതിരെ കേസെടുത്തിട്ടുള്ളത്. നേരത്തെ നടി നല്കിയ പരാതിയില് പൊലീസ് കേസെടുത്തിരുന്നില്ല.
ആദ്യ പരാതിയില് അധിക്ഷേപ പരാമര്ശത്തില് രാഹുല് ഈശ്വറിന്റെ മുന്കൂര് ജാമ്യാപേക്ഷ ഹൈക്കോടതി തീര്പ്പാക്കിയിരുന്നു. കേസ് പരിഗണിക്കവെ രാഹുല് ഈശ്വറിനെതിരെ കേസെടുത്തിട്ടില്ലെന്ന് പൊലീസ് ഹൈക്കോടതിയെ അറിയിച്ചിരുന്നു. തുടര്ന്ന് നല്കിയ പരാതിയിലാണ് പൊലീസ് കേസെടുത്തിരിക്കുന്നത്.
അതേസമയം തനിക്കെതിരെയുള്ള പരാതി വ്യാജമാണെന്ന് രാഹുല് ഈശ്വര് പ്രതികരിച്ചു. ശക്തമായ നടപടികള് സ്വീകരിക്കുമെന്നും തന്നെ അപകീര്ത്തിപ്പെടുത്തിയതിന് നടിക്കെതിരെ മാനനഷ്ട കേസ് നല്കുമെന്നും രാഹുല് ഈശ്വര് വ്യക്തമാക്കി.