കൊച്ചി കാക്കനാടിന് സമീപം യുവാവ് പ്ലസ്ടുകാരിയെ തീ കൊളുത്തി കൊലപ്പെടുത്തി. തീയിടുന്നതിനിടയില്‍ പൊള്ളലേറ്റ യുവാവും മരിച്ചു. കാളങ്ങാട്ട് പത്മാലയത്തില്‍ ഷാലന്റെ മകള്‍ ദേവിക (17) ആണ് മരിച്ചത്. പെണ്‍കുട്ടിയെ കൊല്ലാന്‍ ശ്രമിച്ച യുവാവും പൊള്ളലേറ്റ് മരിച്ചു. പറവൂര്‍ സ്വദേശി മിഥുനാണ് മരിച്ചത് പെണ്‍കുട്ടിയെ രക്ഷിക്കാന്‍ ശ്രമിച്ച മാതാപിതാക്കള്‍ക്കും ഗുരുതരമായി പൊള്ളലേറ്റിട്ടുണ്ട്.
യുവാവെത്തിയത് ബൈക്കിലാണ്. വീട്ടില്‍ കടന്നുകയറി പെണ്‍കുട്ടിയുടെ മേല്‍ പെട്രോള്‍ ഒഴിച്ച് തീകൊളുത്തുകയായിരുന്നു. ഇന്നലെ രാത്രിയാണ് സംഭവം. പ്രേമാഭ്യര്‍ത്ഥന നിരസിച്ചതാണ് കൊലയ്ക്കു പിന്നിലെന്നാണ് സൂചന.
നാട്ടുകാർ വിവരമറിയിച്ചതിനെ തുടർന്ന് പൊലീസ് എത്തി ഇവരെ ആശുപത്രിയിൽ എത്തിച്ചു. ആശുപത്രിയിൽ വെച്ചാണ് ഇരുവരും മരിച്ചത്.