ഇടുക്കിയിലും ഓപ്പറേഷൻ നുംഖോര് പരിശോധന. സോഷ്യൽ മീഡിയ ഇന്ഫ്ലുവൻസറുടെ കാര് കസ്റ്റംസ് പിടിച്ചെടുത്തു. തിരുവനന്തപുരം സ്വദേശിനി ചിപ്പു എന്ന് അറിയപ്പെടുന്ന ശിൽപ്പ സുരേന്ദ്രന്റെ ലാൻഡ് ക്രൂയിസറാണ് പിടിച്ചെടുത്തത്. മലപ്പുറം തിരൂർ സ്വദേശികളിൽ നിന്നാണ് ഇവർ വാഹനം വാങ്ങിയത്.
ഭൂട്ടാന് വഴി കോടികള് നികുതിവെട്ടിച്ചുള്ള വാഹന കടത്ത് കണ്ടെത്താനുള്ള കസ്റ്റംസിന്റെ ഓപ്പറേഷൻ നുംഖോറിന്റെ ഭാഗമായാണ് ഇടുക്കിയിലും പരിശോധന നടത്തിയത്. സോഷ്യൽ മീഡിയ ഇന്ഫ്ലുവൻസറുടെ കാര് കസ്റ്റംസ് പിടിച്ചെടുത്തു. മലപ്പുറം തിരൂർ സ്വദേശികളിൽ നിന്ന് വാങ്ങിയ വാഹനം മെക്കാനിക്ക് പണികള്ക്കായാണ് അടിമാലിയിൽ എത്തിച്ചത്.
ഇതിനിടെയാണ് കസ്റ്റംസ് കാര് അന്വേഷണത്തിന്റെ ഭാഗമായി കാർ കസ്റ്റഡിയിലെടുത്തത്. രാജ്യത്താകമാനം ആയിരത്തിലേറെ വാഹനങ്ങള് കള്ളക്കടത്തിലൂടെ എത്തിച്ചിട്ടുണ്ടെന്നാണ് വിവരം. അതില് ഇരുന്നൂറോളം വാഹനങ്ങള് കേരളത്തില് തന്നെയുണ്ട്. 36 കാറുകള് മാത്രമാണ് ഇതുവരെ കണ്ടെത്താനായത്. ബാക്കിയുള്ളവ തേടുകയാണ് അന്വേഷണസംഘം.