ഇനിമുതല്‍ സര്‍ക്കാര്‍ ഉദ്യോഗസ്ഥര്‍ ഫോണ്‍ എടുക്കുമ്പോള്‍ ഹലോ പറയുന്നതിന് പകരം വന്ദേമാതരം എന്നുപറഞ്ഞ് ആളുകളെ അഭിവാദ്യം ചെയ്യണമെന്ന് മഹാരാഷ്ട്ര സര്‍ക്കാര്‍. പൊതുജനങ്ങളോ മറ്റു ഉദ്യോഗസ്ഥരോ വിളിക്കുമ്പോള്‍ വന്ദേമാതരം എന്നു പറയണം.
ശനിയാഴ്ചയാണ് സര്‍ക്കാര്‍ ഇത് സംബന്ധിച്ച പ്രമേയം പുറത്തിറക്കിയത്. സര്‍ക്കാര്‍ ഓഫീസുകളില്‍ എത്തുന്നവരെ ‘വന്ദേമാതരം’ പറഞ്ഞ് അഭിവാദ്യം ചെയ്യാനുള്ള അവബോധം സൃഷ്ടിക്കണമെന്നും ഉത്തരവില്‍ പറയുന്നു.
ഹലോ പറയുന്നത് പാശ്ചാത്യ സംസ്‌കാരത്തിന്റെ അനുകരണമാണ്. അതിന് പ്രത്യേകിച്ച് അര്‍ഥമൊന്നുമില്ലെന്നും ഉത്തരവില്‍ പറയുന്നു. മഹാരാഷ്ട്രയില്‍ ഏക്‌നാഥ് ഷിന്‍ഡെ മുഖ്യമന്ത്രിയായി അധികാരമേറ്റ ശേഷം മന്ത്രി സുധീര്‍ മുന്‍ഗന്തിവാറാണ് ആദ്യം നിര്‍ദേശം മുന്നോട്ടുവെച്ചത്.
രാജ്യം സ്വാതന്ത്ര്യത്തിന്റെ 75-ാം വാര്‍ഷികം ആഘോഷിക്കുമ്പോള്‍ സര്‍ക്കാര്‍ ജീവനക്കാര്‍ ഹലോയ്ക്ക് പകരം വന്ദേമാതരം പറഞ്ഞ് ആളുകളെ അഭിവാദ്യം ചെയ്യാന്‍ തീരുമാനിച്ചതായി ബി.ജെ.പി നേതാവ് സുധീര്‍ മുങ്കന്തിവാര്‍ പറഞ്ഞു.