വികസന കാര്യങ്ങളില് മന്ത്രി സജി ചെറിയാനോടൊപ്പം എത്താന് ആര്ക്കും കഴിയില്ലെന്ന് കൊടുക്കുന്നില് സുരേഷ് എം.പി. ചെങ്ങന്നൂര് വിദ്യാഭ്യാസ സമുച്ചയത്തിന്റെ ഉദ്ഘാടന വേദിയിലാണ് മന്ത്രിയും സ്ഥലം എംഎല്എയുമായ സജി ചെറിയാനെ മാവേലിക്കര എംപിയും കോണ്ഗ്രസ് നേതാവുമായ കൊടിക്കുന്നില് സുരേഷ് പ്രശംസിച്ചത്.
പുതിയ റോഡുകള്, പാലങ്ങള്, ജില്ലാ ആശുപത്രി കെട്ടിടം, സര്ക്കാര് ഓഫീസുകള് അടക്കം ചെങ്ങന്നൂര് വികസനത്തില് വളരെ മുന്നേറുന്ന സാഹചര്യമാണുള്ളത്. വികസന കാര്യങ്ങളില് സജി ചെറിയാനോടൊപ്പം എത്താന് ആര്ക്കും കഴിയില്ല. ഞാന് ഒന്നു ശ്രമിച്ചു നോക്കിയെങ്കിലും കഴിഞ്ഞില്ല.
കേരളത്തില് ഏറ്റവും കൂടുതല് വികസനം നടക്കുന്ന മണ്ഡലങ്ങളില് ഒന്നായി ചെങ്ങന്നൂര് മാറി. സംസ്ഥാനത്ത് ഏറ്റവും കൂടുതല് പദ്ധതി ഉദ്ഘാടനങ്ങള് നടക്കുന്നത് ചെങ്ങന്നൂരാണെന്നും കൊടിക്കുന്നില് സുരേഷ് പറഞ്ഞു.
ചെങ്ങന്നൂര് മുന് എംഎല്എയും നിലവില് കുണ്ടറ എംഎല്എയും കോണ്ഗ്രസ് നേതാവുമായ പി.സി വിഷ്ണുനാഥിനെ വേദിയിലിരുത്തിക്കൊണ്ടായിരുന്നു കൊടിക്കുന്നിലിന്റെ സജി ചെറിയാന് പ്രശംസ.