വന്യജീവി ആക്രമണം തുടരുന്ന സാഹചര്യത്തില് വനം ഓഫീസ് കത്തിക്കാൻ മടിക്കില്ലെന്ന് മലപ്പുറം ഡിസിസി പ്രസിഡണ്ട് അഡ്വ. വിഎസ് ജോയി. മലപ്പുറം പോത്ത് കല്ല് കാത്തിരപുഴ ഫോറസ്റ്റ് ഓഫീസിലേക്ക് നടത്തിയ മാർച്ച് ഉദ്ഘാടനം ചെയ്തായിരുന്നു വിഎസ് ജോയിയുടെ ഭീഷണി പ്രസംഗം. ക്ഷമയുടെ നെല്ലിപ്പലക കണ്ടു കഴിഞ്ഞെന്നും ഇനി തിരിച്ചടിക്കുമെന്നും ജോയി പറഞ്ഞു. പ്രതിരോധിക്കും. ഇന്ന് വന്നത് കൊടിയുമായിട്ടാണ്. നാളെ ചുട്ടുകറ്റയുമായി വനം ഓഫീസുകളിലേക്ക് വരും. ഓഫീസ് ചുട്ടുകരിക്കും. ഓഫീസർമാരെ അടിച്ചോടിക്കാൻ മടിക്കില്ല.ജീവിക്കാനുള്ള പൗരന്റെ അവകാശത്തെ ചവിട്ടിമെതിച്ച് ഒരു ഉദ്യോസ്ഥനേയും വനം മന്ത്രിയേയും വിലസാൻ അനുവദിക്കില്ലെന്നും വിഎസ് ജോയ് പറഞ്ഞു.