വൈസ് ചാന്സലര് നിയമന പ്രശ്നത്തില് ഉന്നത വിദ്യാഭ്യാസ മന്ത്രി ആര്. ബിന്ദുവിനെ രൂക്ഷമായി വിമര്ശിച്ച് ഗവര്ണര് ആരിഫ് മുഹമ്മദ് ഖാന്.സെര്ച്ച് കമ്മിറ്റിക്കു മാത്രമാണ് വൈസ് ചാന്സലറെ നിയമിക്കാന് അധികാരമെന്നും മന്ത്രിക്ക് മറുപടി പറയലല്ല തന്റെ ജോലിയെന്നും ഗവര്ണര് തുറന്നടിച്ചു.
ചാന്സലര് പദവി ഒഴിയാനുള്ള തീരുമാനത്തില് മാറ്റമില്ലെന്ന് ഗവര്ണര് പറഞ്ഞു. കണ്ണൂര് വൈസ് ചാന്സലറുടെ പുനര്നിയമനം സംബന്ധിച്ച ഫയലില് ഒപ്പിട്ടതു പൂര്ണ മനസോടെയല്ല. സര്ക്കാരുമായുള്ള ഏറ്റുമുട്ടല് ഒഴിവാക്കാനാണ് അങ്ങനെ ചെയ്തത്. പിഴവ് ആവര്ത്തിക്കാതിരിക്കാനാണ് ചാന്സലര് പദവി ഒഴിയുന്നതെന്നും ഗവര്ണര് വ്യക്തമാക്കി.
വി.സി. നിയമനത്തില് രാഷ്ട്രീയമുണ്ട്, കോടതി നടപടികളില് പ്രതികരിക്കുന്നില്ല. വിഷയത്തില് ഹൈക്കോടതി നോട്ടീസ് അയച്ചത് അറിയില്ലെന്നും ഗവര്ണര് പറഞ്ഞു.