ഇടുക്കിയിൽ രണ്ട് കിലോ കഞ്ചാവുമായി പത്തൊൻപതുകാരൻ പിടിയിൽ. ഇടുക്കി രാജാക്കാട് സ്വദേശി അഭിനന്ദാണ് പിടിയിലായത്. കഞ്ചാവ് കടത്തിക്കൊണ്ടുവന്ന സ്കൂട്ടറും പൊലീസ് പിടികൂടി. അടിമാലിയിൽ നടത്തിയ പരിശോധനയിലാണ് അഭിനന്ദ് പിടിയിലായത്. രാജാക്കാട് ഭാഗത്ത് വിൽപ്പനയ്ക്കായി കൊണ്ടുപോകുന്ന കഞ്ചാവാണ് പിടികൂടിയത്. രാജാക്കാട് സർക്കാർ ഐ ടി ഐയിലെ വിദ്യാർത്ഥിയാണ് ഇയാൾ. അടിമാലി ഇരുമ്പ് പാലത്തിന് സമീപം എക്സൈസ് നർക്കോട്ടിക് എൻഫോഴ്സസ്മെന്റ് സ്ക്വാഡ് നടത്തിയ പരിശോധനയിലാണ് കഞ്ചാവ് പിടിച്ചെടുത്തത്. പ്രതിക്കെതിരെ പോക്സോ കേസുൾപ്പെടെ നിലവിലുണ്ടെന്നാണ് എസൈസ് ഉദ്യോഗസ്ഥർ പറയുന്നത്. പ്രതിയെ ഉടൻ കോടതിയിൽ ഹാജറാക്കി റിമാൻ്റ് ചെയ്യും.