നടന് ഉണ്ണി മുകുന്ദന് മര്ദിച്ചെന്ന പരാതിയില് മാനേജരുടെ മൊഴിയെടുത്ത് പൊലീസ്. നരിവേട്ട സിനിമയെ പ്രശംസിച്ച് സമൂഹമാധ്യമത്തില് പോസ്റ്റിട്ടതിനാലാണ് തന്നെ മര്ദിച്ചതെന്നാണ് മാനേജറുടെ പരാതി. കാക്കനാട്ടെ ഫ്ലാറ്റില് വച്ചായിരുന്നു മര്ദനം. പ്രഫഷനല് മാനേജര് വിപിന് കുമാര് ഇന്ഫോപാര്ക്ക് പൊലീസിലാണ് പരാതി നല്കിയത്.
നിലവില് കേസ് എടുത്തിട്ടില്ലെന്നും മാനേജരുടെ മൊഴി പരിശോധിച്ചതിനുശേഷം തുടര്നടപടി സ്വീകരിക്കുമെന്ന് പോലീസ് അറിയിച്ചു. ആശുപത്രിയില് ചികിത്സ തേടിയതിന് ശേഷമാണ് മാനേജര് പരാതിയുമായി പോലീസ് സ്റ്റേഷനിലെത്തിയത്. വിശദമായി മൊഴിയെടുത്ത് പരാതിയില് വ്യക്തത തേടുകയാണ് പോലീസ്.
പരാതിയുടെ സത്യവസ്ഥ ബോധ്യപ്പെട്ടതിന് ശേഷമായിരിക്കും നടനെതിരെ കേസെടുക്കണമോയെന്ന് തീരുമാനിക്കുക. വിഷയത്തില് പ്രതികരിക്കാന് ഉണ്ണി മുകുന്ദന് തയാറായിട്ടില്ല.