എഡിജിപി എംആര് അജിത്കുമാറിന്റെ പ്രൊമോഷനില് രൂക്ഷ വിമര്ശനവുമായി പിവി അന്വര് എംഎല്എ. എംആര് അജിത്കുമാറിനെ ഡിജിപിയാക്കാനുള്ള മന്ത്രിസഭാ തീരുമാനം ഞെട്ടിക്കുന്നതാണെന്ന് പിവി അന്വര്. അജിത്കുമാറിന്റെ പ്രൊമോഷന് കേരള സമൂഹത്തെ വെല്ലുവിളിക്കുന്നതാണെന്നും അന്വര് കൂട്ടിച്ചേര്ത്തു.
കേരളത്തിന്റെ ചരിത്രത്തില് ക്രിമിനല് പശ്ചാത്തലമുള്ള ഒരു വ്യക്തിയും ഇതുവരെ പൊലീസ് തലപ്പത്തെത്തിയിട്ടില്ല. അജിത്കുമാര് നൊട്ടോറിയസ് ക്രിമിനലെന്ന് കാലം തെളിയിച്ചതാണ്. അജിത് കുമാറിനെതിരെ താന് നല്കിയ പരാതിയില് അന്വേഷണം നടക്കുകയാണ്. ഈ സന്ദര്ഭത്തിലാണ് ഇത്തരത്തിലൊരു തീരുമാനം സര്ക്കാരില് നിന്ന് വന്നിട്ടുള്ളതെന്നും അന്വര് കൂട്ടിച്ചേര്ത്തു.
എംആര് അജിത്കുമാറിനെതിരെയുള്ള അന്വേഷണങ്ങള് വെറും പ്രഹസനമാണ്. പല ഘട്ടത്തിലും താനത് പറഞ്ഞതുമാണ്. കേരളത്തിന്റെ മുഖ്യമന്ത്രിയും പൊലീസും പൂര്ണമായും ആര്എസ്എസിന് കീഴ്പ്പെട്ടുവെന്നും അന്വര് ആരോപിച്ചു. സിപിഐ മന്ത്രിമാര് മന്ത്രിസഭാ യോഗത്തില് എന്തുകൊണ്ട് പ്രതികരിച്ചില്ലെന്നും അന്വര് ചോദിച്ചു.