കോൺഗ്രസ് മുഖ്യമന്ത്രി പ്രഖ്യാപനത്തിന് പിന്നാലെ വിമർശനവുമായി പിസി ജോർജ്. ലീഗിനും, ജമാ അത്തെ ഇസ്ലാമിക്കും താഴെയാടാ എം എൽ ഏമാരും, എസ്എൻഡിപിയും, എൻഎസ്എസ്സും എന്ന് പി സി ജോർജ് ഫേസ്ബുക്കിൽ കുറിച്ചു. ജന വികാരം മാനിച്ചാണെന്ന് വിശ്വസിക്കുന്ന പ്രബുദ്ധരോട് കർണാടകയിലും, മധ്യ പ്രദേശിലും, രാജസ്ഥാനിലും ഒന്നും ഹൈ കമാൻഡ് ചെവി കൊടുക്കാത്ത ജന വികാരത്തിന് കേരളത്തിൽ മാത്രം ചെവി കൊടുത്തെന്ന് നിങ്ങൾ വിശ്വസിക്കുന്നുണ്ടോ എന്നും പി സി ജോർജ് ചോദിച്ചു.
ഫേസ്ബുക്ക് പോസ്റ്റ്
ലീഗിനും, ജമാ അത്തെ ഇസ്ലാമിക്കും താഴെയാടാ എം എൽ ഏമാരും , എസ് എൻ ഡി പിയും, എൻ എസ് എസ്സും 😎
ജന വികാരം മാനിച്ചാണെന്നു വിശ്വസിക്കുന്ന പ്രബുദ്ധരോട് കർണാടകയിലും, മധ്യ പ്രദേശിലും, രാജസ്ഥാനിലും ഒന്നും ഹൈ കമാൻഡ് ചെവി കൊടുക്കാത്ത ജന വികാരത്തിനു കേരളത്തിൽ മാത്രം ചെവി കൊടുത്തെന്നു നിങ്ങൾ വിശ്വസിക്കുന്നുണ്ടോ.
ലീഗിന്റെ സമ്മർദത്തിന് വഴങ്ങിയാണ് വി ഡി സതീശനെ കേന്ദ്ര നേതൃത്വം മുഖ്യമന്ത്രിയാക്കിയതെന്ന അഭ്യൂഹങ്ങൾ പരക്കുന്നതിനിടെയാണ് പി സി ജോർജിന്റെ ഫേസ്ബുക്ക് പോസ്റ്റ്. പാണക്കാട് സാദിഖ് അലി തങ്ങളുമായി രാഹുൽ ഗാന്ധി ഇന്നും സംസാരിച്ചിരുന്നു. മാത്രവുമല്ല വി ഡി സതീശനെ മുഖ്യമന്ത്രി ആക്കണമെന്ന നിലപാടിലായിരുന്നു മുസ്ലിം ലീഗും.