എംപി ഫണ്ട് എവിടെ ചെലവാക്കുന്നു?; ഒന്നും ചെയ്യാതെ ജയിക്കുമെന്ന തോന്നലാണ് തരൂരിന്,വിമർശനവുമായി വി ശിവൻ കുട്ടി

തിരുവനന്തപുരം എംപി ശശി തരൂരിനെ രൂക്ഷമായി വിമർശിച്ച് വിദ്യഭ്യാസ മന്ത്രി വി ശിവൻ കുട്ടി.എം പി ഫണ്ട് എവിടെ ചെലവാക്കുന്നു എന്നറിയില്ലെന്നും ഒന്നും ചെയ്തില്ലെങ്കിലും ജയിക്കുമെന്ന തോന്നലാണ് തരൂരിനെന്നും ശിവൻകുട്ടി പറഞ്ഞു. അദാലത്ത് ഉൾപ്പെടെയുള്ള പരിപാടികളിൽ ശശി തരൂർ എം പി പങ്കെടുക്കാത്തത് ചൂണ്ടിക്കാട്ടിയായിരുന്നു വിമർശനം.

തലസ്ഥാനത്തെ മന്ത്രിമാരുടെ സംയുക്ത വാർത്താ സമ്മേളനത്തിലായിരുന്നു ശിവൻകുട്ടിയുടെ വിമർശനം. മന്ത്രിമാരായ ആന്‍റണി രാജു, ജി ആർ അനിൽ എന്നിവരും സംയുക്ത വാർത്താ സമ്മേളനത്തിൽ പങ്കെടുത്തു. എന്നാൽ മന്ത്രിയുടെ പരാമർശത്തോട് തരൂർ ഇതുവരെ പ്രതികരിച്ചിട്ടില്ല.