ആലപ്പുഴ കുട്ടനാട്ടില് പാടത്ത് ക്രിക്കറ്റ് കളിക്കുന്നതിനിടെ യുവാവ് ഇടിമിന്നലേറ്റ് മരിച്ചു. ഒപ്പമുണ്ടായിരുന്ന യുവാവിനും പരിക്കേറ്റിട്ടുണ്ട്. എടത്വാ ഒന്നാം വാര്ഡ് കൊടുപ്പുന്ന പുതുവല് വീട്ടില് ശ്രീനിവാസന്റെ മകന് അഖില് പി ശ്രീനിവാസന് ആണ് ഇടിമിന്നലേറ്റ് മരിച്ചത്. ഒപ്പമുണ്ടായിരുന്ന അഖിലിന്റെ സുഹൃത്ത് ശരണിനും പരിക്കേറ്റിട്ടുണ്ട്.
അഖിലിന്റെ പരിക്ക് ഗുരുതരമല്ലെന്നാണ് പുറത്തുവരുന്ന റിപ്പോര്ട്ടുകള്. ഞായറാഴ്ച വൈകുന്നേരം 3.30ഓടെയാണ് സംഭവം. എടത്വാ പുത്തന്വരമ്പിനകം പാടത്ത് ക്രിക്കറ്റ് കൂട്ടുകാര്ക്കൊപ്പം കളിക്കുകയായിരുന്നു അഖില്. ഫീല്ഡ് ചെയ്യുന്നതിനിടെ കോള് വന്നു. ഫോണെടുത്ത് സംസാരിക്കവേയാണ് ശക്തമായ മിന്നലുണ്ടായി ഫോണ് പൊട്ടിത്തെറിക്കുകയായിരുന്നു.
ഫോണ് പൊട്ടിത്തെറിച്ചതില് അഖിലിന്റെ ചെവിയുടെയും തലയുടെയും നെഞ്ചിന്റെ ഭാഗത്തും ഗുരുതരമായി പൊള്ളലേറ്റിരുന്നു. ഉടന് തന്നെ വണ്ടാനം മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.