തിരുവനന്തപുരം വെള്ളറടയിൽ മദ്യപിക്കാന്‍ പണം നൽകാത്ത ദേഷ്യത്തിൽ ഭാര്യയെ കല്ലെടുത്തെറിഞ്ഞ് പരിക്കേല്‍പ്പിച്ച കേസില്‍ ഭര്‍ത്താവ് അറസ്റ്റിൽ. കാരമൂട് കരിമരം സ്വദേശി അനില്‍കുമാര്‍ (32) ആണ് അറസ്റ്റിലായത്. ഭാര്യ രാഗിണി (29)യെ ആക്രമിച്ച കേസിലാണ് അറസ്റ്റ്. വെള്ളറട പൊലീസ് ആണ് കേസ് എടുത്തത്.
ചൊവ്വാഴ്ച രാവിലെ 11 മണിയോടെയാണ് സംഭവം. അനില്‍കുമാര്‍ വീടിനുസമീപത്ത് നില്‍ക്കുകയായിരുന്ന രാഗിണിയോട് മദ്യപിക്കാനായി പണം ചോദിച്ചെങ്കിലും നല്‍കാത്തതിനെ തുടര്‍ന്ന് സമീപത്ത് കിടന്നിരുന്ന കരിങ്കല്‍ കഷണം എടുത്ത് എറിഞ്ഞ ശേഷം ഓടി രക്ഷപ്പെട്ടു എന്നാണ് കേസ്.
