നഷ്ടത്തില്‍ നിന്നും നഷ്ടത്തിലേക്ക് കൂപ്പുകുത്തികൊണ്ടിരിക്കുന്ന കെഎസ്ആര്‍ടിസിക്കു വീണ്ടും റെക്കോര്‍ഡ് കളക്ഷന്‍. തിങ്കളാഴ്ച ഒരു ദിവസത്തെ കളക്ഷന്‍ 7.44 കോടി രൂപയാണ്. ഇതു അടുത്തകാലത്ത് ലഭിക്കുന്ന ഏറ്റവും ഉയര്‍ന്ന തുകയാണിത്. തിരുവനന്തപുരം മേഖല 1.69 കോടി രൂപ ഈ ദിനം കോര്‍പറേഷന് വരുമാനം നേടിക്കൊടുത്തു. പുതുവല്‍സരത്തിന് ശേഷം കെഎസ്ആര്‍ടിസി നേടിയ ഭീമമായ കളക്ഷന്‍ തുകയാണിത്.
കഴിഞ്ഞ ഡിസംബറില്‍ മൂന്നു തവണയും കെഎസ്ആര്‍ടിസിയുടെ ആകെയുള്ള വരുമാനം ഏഴു കോടി കടന്നിരുന്നു. ഡിസംബര്‍ 4- 6,96,52,529 രൂപ, 23- 7,18,27,611 രൂപ, 24-7,01,77,358 രൂപ, 11- 7,00,42,080 രൂപ എന്നിങ്ങനെയായിരുന്നു കളക്ഷന്‍ വരുമാനം. ഡിസംബറില്‍ അഞ്ചു തവണയാണ് വരുമാനം ഒരു കോടി 50 ലക്ഷം കടന്നത്. കെഎസ്ആര്‍ടിസിയുടെയും ജന്റം ബസുകളുടെയും ഒരുമിച്ചുള്ള വരുമാനമാണിത്.