പതിനഞ്ചാം നിയമസഭയുടെ ഒൻപതാം സമ്മേളനം നാലെ മുതൽ പുനരാരംഭിക്കും. പുതുപ്പള്ളി ഉപതെരഞ്ഞെടുപ്പിനെ തുടർന്ന് സഭ താൽക്കാലികമായി നിർത്തി വയ്ക്കുകയായിരുന്നു. തെരഞ്ഞെടുപ്പ് ഫലം വന്നതോടെയാണ് സഭ പുനരാരംഭിക്കുന്നത്. അതേ സമയം പുതുപ്പള്ളി നൽകിയ വമ്പൻ ഭൂരുപക്ഷത്തിന്റെ ആത്മവിശ്വാസവുമായാണ് പ്രതിപക്ഷം നാളെ സഭയിലെത്തുക.
പുതുപ്പള്ളി ഉപതെരഞ്ഞെടുപ്പ് ഫലം സംസ്ഥാന സര്ക്കാരിനുള്ള പ്രഹരമാണെന്നും, സിപിഐഎമ്മിന്റെ തകര്ച്ചയുടെ തുടക്കമാണിതെന്നും പ്രതിപക്ഷ നേതാവ് നേരത്തെ പ്രതികരിച്ചിരുന്നു.സംസ്ഥാന സർക്കാരിനെതിരായ ജനവിധിയായി പുതുപ്പള്ളിയിലെ തെരഞ്ഞെടുപ്പുഫലത്തെ ഉയർത്തി സഭയെ നേരിടാനാണ് പ്രതിപക്ഷം ശ്രമിക്കുക.
എന്നാൽ മാസപ്പടി ഉൾപ്പെടെയുള്ള വിവാദങ്ങൾ ഉയരുമോ എന്ന് കണ്ടറിയണം. നാളെ ചാണ്ടി ഉമ്മൻ നിയമസഭ അംഗമായി സത്യപ്രതിഞ്ജ ചെയ്യും.ചോദ്യോത്തര വേളയ്ക്ക് ശേഷം പത്തുമണിക്കാണ് സത്യപ്രതിജ്ഞ