പാലക്കാട് ഉപതെരഞ്ഞെടുപ്പ് പ്രചാരണത്തിനിടെ ബിജെപി മുന് സംസ്ഥാന അധ്യക്ഷന് കെ സുരേന്ദ്രന് ട്രാക്ടര് ഓടിച്ചത് ലൈസന്സില്ലാതെയെന്ന് ട്രാഫിക് എന്ഫോഴ്സ്മെന്റ്. സംഭവത്തില് ട്രാക്ടര് ഉടമയ്ക്ക് 5,000 രൂപ പിഴ ചുമത്തി.
ബിജെപി സ്ഥാനാര്ഥി സി. കൃഷ്ണകുമാറിനായി കെ.സുരേന്ദ്രന് ട്രാക്ടര് റാലി നടത്തിയത്. എറണാകുളം ശ്രീമൂലനഗരം സ്വദേശിയും എസ്എഫ്ഐ മുന് ജില്ലാ സെക്രട്ടറിയുമായ ഫസല് മുഹമ്മദാണ് സുരേന്ദ്രനെതിരെ പാലക്കാട് എസ്പിക്ക് പരാതി നല്കിയത്.
കെ.സുരേന്ദ്രന് ട്രാക്ടര് ഓടിക്കാനുള്ള ലൈസന്സ് ഇല്ലെന്ന് പാലക്കാട് അസിസ്റ്റന്റ് പോലീസ് സൂപ്രണ്ട് കണ്ടെത്തിയിരുന്നു. പോലീസ് നടപടിയില് തൃപ്തനല്ലെന്നും ലൈസന്സില്ലാതെ ട്രാക്ടര് ഓടിച്ചതിന് സുരേന്ദ്രനെതിരെ കൂടുതല് നടപടി വേണമെന്നും ഫസല് മുഹമ്മദ് പറഞ്ഞു.