പാലാ ബിഷപ്പിന്റെ വിവാദ ജിഹാദി പരാമര്ശത്തെ അനുകൂലിച്ചും, വിമര്ശിച്ചവരെ എതിര്ത്തും ദീപിക പത്രത്തില് പ്രസിദ്ധീകരിച്ച ‘ജാഗ്രത പുലര്ത്താന് പറയുന്നത് അവിവേകമോ’ എന്ന ലേഖനത്തിന് മറുപടിയുമായി യൂത്ത് കോണ്ഗ്രസ് സംസ്ഥാന അധ്യക്ഷന് കെ എസ് ശബരീനാഥന്. ബിഷപ്പിന്റെ വിവാദ പരാമര്ശത്തെ അനുകൂലിച്ച് പരസ്യമായി രംഗത്തുവന്ന പാലാ മണ്ഡലം യൂത്ത് കോണ്ഗ്രസ് കമ്മിറ്റിയെ സംസ്ഥാന കമ്മിറ്റി ഇടപെട്ട് താക്കീത് ചെയ്തിരുന്നു. ഇതിന് പിന്നാലെയാണ് ദീപിക പത്രത്തില് വന്ന ലേഖനത്തില് യൂത്ത് കോണ്ഗ്രസുകാരെ വിമര്ശിക്കുവാന് ശബരീനാഥന് അടക്കമുള്ള നേതാക്കള് വല്ലാത്ത തിടുക്കം കാട്ടി. പാലായിലെ യൂത്ത് കോണ്ഗ്രസുകാരെ ശബരീനാഥന് അറിയണമെന്നില്ല. നൂലില് കെട്ടി ഇറക്കപ്പെട്ടവനാണല്ലോ എന്നായിരുന്നു ലേഖനത്തിലെ പരാമര്ശം. ഇതിനെതിരായാണ് ശബരീനാഥന് രംഗത്തെത്തിയത്.
യൂത്ത് കോണ്ഗ്രസ് എന്ന സംഘടനയ്ക്ക് ഇന്ത്യന് നാഷണല് കോണ്ഗ്രസ് ഉയര്ത്തിപ്പിടിക്കുന്ന മതനിരപേക്ഷതയുടെയും ഏകത്വത്തിന്റെയും ഉറച്ച നിലപാടാണ് എവിടെയും ഉള്ളത്. അല്ലാതെ മീനച്ചലാര് ഒഴുകുന്ന താലൂക്കുകള്ക്ക് മാത്രമായി യൂത്ത് കോണ്ഗ്രസിന് ഒരു പ്രത്യേക നിലപാടില്ല എന്ന് മനസ്സിലാക്കുന്നത് നല്ലതായിരിക്കും. എന്നാണ് ശബരീനാഥന്റെ മറുപടി.
കെ എസ് ശബരീനാഥന്റെ ഫേസ്ബുക്ക് പോസ്റ്റിന്റെ പൂര്ണരൂപം
ഇന്നത്തെ ദീപികയുടെ മുഖപ്രസംഗ പേജില് ‘ജാഗ്രത പുലര്ത്താന് പറയുന്നത് അവിവേകമോ’ എന്ന ലേഖനം വായിച്ചു. പാലാ ബിഷപ്പിന്റെ വിവാദ പരാമര്ശത്തോട് എതിര്പ്പു രേഖപ്പെടുത്തിയതില് കോണ്ഗ്രസിനെയും യൂത്ത് കോണ്ഗ്രസിനെയും അതില് വിമര്ശിക്കുന്നുണ്ട്. വിമര്ശനത്തില് തെറ്റില്ല, അതിന്റെ ശരിതെറ്റുകള് ജനം വിലയിരുത്തും.
ദീപികയിലെ വരികള് ഇതാണ് – ‘……..കല്ലറങ്ങാട്ട് പിതാവ് പറഞ്ഞതാണ് സത്യം എന്ന് പറഞ്ഞ യൂത്ത് കോണ്ഗ്രസുകാരെ വിമര്ശിക്കുവാന് ശബരീനാഥന് അടക്കമുള്ള നേതാക്കള് വല്ലാത്ത തിടുക്കം കാട്ടി. പാലായിലെ യൂത്ത് കോണ്ഗ്രസുകാരെ ശബരീനാഥന് അറിയണമെന്നില്ല. നൂലില് കെട്ടി ഇറക്കപ്പെട്ടവനാണല്ലോ’
പത്രത്തിന്റെ അറിവിലേക്കായി പറയുന്നു – യൂത്ത് കോണ്ഗ്രസ് എന്ന സംഘടനയ്ക്ക് ഇന്ത്യന് നാഷണല് കോണ്ഗ്രസ് ഉയര്ത്തിപ്പിടിക്കുന്ന മതനിരപേക്ഷതയുടെയും ഏകത്വത്തിന്റെയും ഉറച്ച നിലപാടാണ് എവിടെയും ഉള്ളത്. അല്ലാതെ മീനച്ചലാര് ഒഴുകുന്ന താലൂക്കുകള്ക്ക് മാത്രമായി യൂത്ത് കോണ്ഗ്രസിന് ഒരു പ്രത്യേക നിലപാടില്ല എന്ന് മനസ്സിലാക്കുന്നത് നല്ലതായിരിക്കും.