കൊച്ചിയിൽ പണി സിനിമയിൽ നിന്ന് പ്രചോദനം ഉൾക്കൊണ്ട് കാപ്പാ കേസ് പ്രതിയുടെ ക്രൂരത. തൃക്കാക്കര സ്വദേശിയായ യുവാവിനെ പ്രതി ആക്രമിച്ചു. വീട്ടിൽ നിന്നും പുറത്തെത്തിച്ച യുവാവിനെ പ്രതി ഇയാളുടെ കൽ തല്ലിയൊടിച്ചു. പിന്നാലെ ദൃശ്യങ്ങൾ പകർത്തി പ്രതി യുവാവിന്റെ വാട്സാപ്പിൽ സ്റ്റാറ്റസും ഇട്ടു. സംഭവത്തിൽ പ്രതി ശ്രീരാജിനെ പൊലീസ് അറസ്റ്റ് ചെയ്തു.
പണി സിനിമയിൽ ഡേവി എന്ന കഥാപാത്രത്തെ ആക്രമിക്കുന്നതിന് സമാനമായിട്ടായിരുന്നു ശ്രീരാജ്, യുവാവിനോട് ക്രൂരത കാട്ടിയത്. വീട്ടിൽ ഉറങ്ങിക്കിടക്കുകയായിരുന്ന യുവാവിനെ കത്തിയുമായെത്തിയാണ് പ്രതി ആക്രമിച്ചത്. പെൺകുട്ടിയുമായുള്ള അടുപ്പം പറഞ്ഞായിരുന്നു ആക്രമണം. പിന്നീട് ഭീഷണിപ്പെടുത്തി വീടിന് പുറത്തുകൊണ്ടുപോയി കാല് തല്ലിയൊടിക്കുകയടക്കം ചെയ്തു.
അതേസമയം ആക്രമണ ദൃശ്യങ്ങൾ മൊബൈൽ ഫോണിൽ പകർത്തിയ പ്രതി ആക്രമിക്കപ്പെട്ട ആളുടെ വാട്സാപ്പിൽ സ്റ്റാറ്റസും ആക്കി. സംഭവത്തിന് പിന്നാലെ ശ്രീരാജിനെ പൊലീസ് അറസ്റ്റ് ചെയ്തു. അതേസമയം പണി സിനിമയിലെ ദൃശ്യങ്ങൾ അനുകരിച്ചതാണ് എന്ന് ശ്രീരാജ് പൊലീസിന് മൊഴി നൽകിയിട്ടുണ്ട്.