ഇന്നും നാളെയും മധ്യകേരളത്തിലും വടക്കന് കേരളത്തിലും ചൂട് കഠിനമാകാന് സാധ്യതയുണ്ടെന്നും ജാഗ്രത പാലിക്കണമെന്നും ദുരന്ത നിവാരണ അതോറിറ്റി്. കോട്ടയം ജില്ലയില് വെളളിയാഴ്ച 38 ഡിഗ്രി സെല്ഷ്യസ് ചൂടാണ് രേഖപ്പെടുത്തിയത്.
തിരുവനന്തപുരം, കോഴിക്കോട്, കണ്ണൂര് ജില്ലകളിലും സൂര്യാതാപ സാധ്യതയ്ക്കുളള മുന്നറിയിപ്പ് നല്കിയിട്ടുണ്ട്.സംസ്ഥാനത്ത് ചൂട് അതികഠിനമായി തുടരുന്ന സാഹചര്യത്തില് ആരോഗ്യവകുപ്പ് ജാഗ്രത മുന്നറിയിപ്പ് നല്കി. ചൂടു കൂടുന്നതിനൊപ്പം നിര്ജലീകരണവും ദേഹാസ്വാസ്ഥ്യവും ഉണ്ടാകാന് സാധ്യതയുള്ളതിനാല് കരുതല് വേണം.
ബോധവല്ക്കരണം നടത്താനും പ്രതിരോധ നടപടികള് സ്വീകരിക്കാനും കലക്ടര്മാര്ക്കും നിര്ദേശം നല്കി.
ആരോഗ്യവകുപ്പിന്റെ നിര്ദ്ദേശങ്ങള് ഇങ്ങനെ
കെട്ടിടങ്ങള്ക്ക് പുറത്ത് ജോലി ചെയ്യുന്നവര് സമയക്രമം കര്ശനമായി പാലിക്കേണ്ടതുണ്ട്. രാവിലെ 11 മുതല് വൈകിട്ട് 3 വരെയുള്ള സമയം നേരിട്ടുള്ള വെയില് ഏല്ക്കാതിരിക്കാന് ശ്രദ്ധിക്കണം. കുടയോ തൊപ്പിയോ ഉപയോഗിക്കുക. പ്രായമായവര്, ചെറിയ കുട്ടികള്, ഗര്ഭിണികള്, ഗുരുതര രോഗമുള്ളവര്, വെയിലത്ത് ജോലി ചെയ്യുന്നവര് എന്നിവര് പ്രത്യേകം ശ്രദ്ധിക്കണം.
ദാഹം തോന്നിയില്ലെങ്കിലും ധാരാളം വെള്ളം കുടിക്കണം. തിളപ്പിച്ചാറ്റിയ വെള്ളം കുടിക്കാന് ശ്രദ്ധിക്കണം. യാത്രാ വേളയില് വെള്ളം കരുതുന്നു എന്നുറപ്പാക്കണം. കടകളില് നിന്നും പാതയോരങ്ങളില് നിന്നും ജൂസ് കുടിക്കുന്നവര് വെള്ളം നല്ലതാണെന്നും ഐസ് ശുദ്ധജലത്തില് നിന്നുണ്ടാക്കിയതാണെന്നും ഉറപ്പുവരുത്തണം,