കേരളത്തിന്റെ തീരപ്രദേശത്ത് ഉയര്ന്ന തീരമാലയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തിരുവനവന്തപുരം മുതല് കാസറഗോഡ് വരെയുള്ള തീരപ്രദേശത്താണ് മുന്നറിയിപ്പ് നിലനില്ക്കുന്നത്. മുന്നറിയിപ്പ് നിലനില്ക്കുന്നതിനാല് ബീച്ച് യാത്രകള് ഒഴിവാക്കണമെന്ന് കാലാവസ്ഥ വകുപ്പ് വ്യക്തമാക്കി.
ചൊവ്വാഴ്ച രാത്രി 11.30 വരെ 3.1 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രത്തിന്റെ മുന്നറിയിപ്പ്. അതേസമയം സംസ്ഥാനത്ത് ഇന്നും നാളെയും കനത്ത മഴ തുടരും. എട്ട് ജില്ലകളില് ഓറഞ്ച് അലര്ട്ടും ആറ് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
കേന്ദ്ര കാലാവസ്ഥ കേന്ദ്രത്തിന്റെ മുന്നറിയിപ്പുകള് നിലനില്ക്കുന്നതിനാല് മലയോര മേഖലകളിലേക്കുള്ള യാത്ര വിലക്ക് തുടരും. തൃശൂര്, കാസര്ഗോഡ് ജില്ലകളില് വരും മണിക്കൂറുകളില് ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മണിക്കൂറില് 40 കിലോമീറ്റര് വരെ വേഗത്തില് വീശിയേക്കാവുന്ന കാറ്റിനും സാധ്യതയുണ്ട്.