സോളാര് ഗൂഢാലോചന കേസില് കെബി ഗണേഷ് കുമാര് തല്ക്കാലം മജിസ്ട്രേറ്റ് കോടതിയില് ഹാജരാകേണ്ടതില്ല. മറ്റന്നാള് നേരിട്ട് ഹാജരാകണമെന്ന കൊട്ടാരക്കര മജിസ്ട്രേറ്റ് കോടതിയുടെ സമന്സിലാണ് ഹൈക്കോടതിയുടെ ഇടപെടല്. പത്ത് ദിവസത്തേക്കാണ് ഗണേഷ് കുമാറിന് ഇളവ് നല്കിയത്.
സോളാര് ഗൂഢാലോചന കേസിലെ നടപടികള് റദ്ദാക്കണമെന്ന ഗണേഷ് കുമാറിന്റെ ഹര്ജി വിധി പറയാന് മാറ്റിയ സാഹചര്യത്തിലാണ് ഇടക്കാല ഉത്തരവ്. സോളാര് പീഡനക്കേസിലെ പരാതിക്കാരിയുടെ മൊഴിയില് പേര് കൂട്ടിച്ചേര്ക്കാന് ഗണേഷ് കുമാര് ഗൂഢാലോചന നടത്തിയെന്നാണ് ഉമ്മന് ചാണ്ടി മജിസ്ട്രേറ്റ് കോടതിയില് നല്കിയ സ്വകാര്യ അന്യായം. കേസില് കൊട്ടാരക്കര മജിസ്ട്രേറ്റ് കോടതിയിലെ നടപടിക്രമങ്ങള് റദ്ദാക്കണമെന്നാണ് ഗണേഷിന്റെ ആവശ്യം. കേസില് 18ന് ഗണേഷ് കുമാര് നേരിട്ട് ഹാജരാകണമെന്ന മജിസ്ട്രേറ്റ് കോടതിയുടെ സമന്സ് നിലവിലുണ്ട്.
സോളാര് പീഡനക്കേസിന് പിന്നിലെ ഗൂഢാലോചനയുമായി ബന്ധപ്പെട്ട് ഗണേഷ്കുമാര് നേരിട്ട് ഹാജരാകണമെന്ന കൊട്ടാരക്കര മജിസ്ട്രേറ്റ് കോടതി ഉത്തരവ് ഹൈക്കോടതി സ്റ്റേ ചെയ്തിരുന്നു. കത്തിൽ തിരുത്തൽ വരുത്താൻ ഗൂഢാലോചന നടത്തിയെന്നും, മുൻ മുഖ്യമന്ത്രി ഉമ്മൻചാണ്ടിയുടെ പേര് പിന്നീട് എഴുതിച്ചേർത്തതാണെന്നും ഉൾപ്പെടെയാണ് പരാതിയിലെ ആരോപണങ്ങൾ. മുൻമന്ത്രി കെബി ഗണേഷ് കുമാറിനെയും സോളർ കേസിലെ പരാതിക്കാരിയെയും എതിർ കക്ഷികളാക്കി അഡ്വ. സുധീർ ജേക്കബാണ് പരാതി നൽകിയത്.