സ്വര്ണ്ണക്കടത്ത് കേസ് കേരളത്തിന് പുറത്തേക്ക് മാറ്റണമെന്ന ഇഡി ഹര്ജിക്കെതിരെ എം. ശിവശങ്കര് സുപ്രീംകോടതിയെ സമീപിച്ചു. ഉത്തരവ് പുറപ്പെടുവിക്കും മുന്പ് തനിക്ക് പറയാനുള്ളത് കൂടി കേള്ക്കണമെന്നാണ് ശിവശങ്കര് തടസ ഹര്ജിയില് പറയുന്നത്.
സ്വര്ണ്ണക്കടത്ത് കേസ് കേരളത്തിന് പുറത്തേക്ക് മാറ്റണമെന്ന് ആവശ്യപ്പെട്ട് ഈ മാസം ആറിനാണ് ഹര്ജി ഇഡി ഫയല് ചെയ്തത്. 19 ന് ഹര്ജി രജിസ്റ്റര് ചെയ്തു.
നയതന്ത്ര ചാനല് വഴിയുള്ള സ്വര്ണ്ണക്കടത്ത് കേസിന്റെ വിചാരണ ബെംഗളൂരുവിലേക്ക് മാറ്റണമെന്നാവശ്യപ്പെട്ടാണ് സുപ്രീംകോടതിയില് ഇഡി ട്രാന്സ്ഫര് ഹര്ജി നല്കിയത്.