ഗതാഗത മന്ത്രി കെബി ഗണേഷ്കുമാറിനെ പുകഴ്ത്തി കോണ്ഗ്രസ് നേതാവ്. കൊല്ലം വെട്ടിക്കവല ഗ്രാമപഞ്ചായത്ത് പ്രസിഡന്റ് അബ്ഗുള് അസീസ് ആണ് പരസ്യമായി കെബി ഗണേഷ്കുമാറിനെ പുകഴ്ത്തി രംഗത്തെത്തിയത്. ഗണേഷ് കുമാറിനെ വേദിയിൽ ഇരുത്തിയായിരുന്നു കോൺഗ്രസ് നേതാവിന്റെ പുകഴ്ത്തൽ പ്രസംഗം.
ഗണേഷ് കുമാറിന്റെ എം എൽ എ ഫണ്ട് ഉപയാഗിച്ച് നിർമ്മിച്ച റോഡുദ്ഘാടന ചടങ്ങിലായിരുന്നു പുകഴ്ത്തൽ. ഗണേഷ്കുമാറിനെ നിയമസഭ തിരഞ്ഞെടുപ്പിൽ വീണ്ടും വിജയിപ്പിക്കണമെന്നും അബ്ഗുള് അസീസ് പറഞ്ഞു. ഗണേഷ് കുമാർ കായ് ഫലമുള്ള മരമാണെന്നും കായ്ക്കാത്ത മച്ചി മരങ്ങളെ തിരിച്ചറിയണമെന്നും അബ്ദുൾ അസീസ് പ്രസംഗത്തിൽ പറഞ്ഞു.
പൂക്കാത്ത മച്ചി മരങ്ങളെ തിരിച്ചറിഞ്ഞ് വേണം ഗണേഷ് കുമാറിനെ വൻഭൂരിപക്ഷത്തിൽ വിജയിപ്പിക്കാൻ. ഗണേഷ് കുമാറും ആർ ബാലകൃഷ്ണപിള്ളയും ആയും തനിക്ക് പിരിയാത്ത ബന്ധം. ഞാനും നിങ്ങളോടൊപ്പം. ജാതി നോക്കാതെ വികസനം ചെയ്യുന്ന കായ്ഫലമുള്ള മരമാണ് ഗണേഷ് എന്നും അസീസ് വ്യക്തമാക്കി. അതേസമയം കോൺഗ്രസ് നേതാക്കളും ജനപ്രതിനിധികളും ബഹിഷ്കരിച്ച പരിപാടിയിൽ പങ്കെടുത്ത അസീസിനെ പൊതുവേദിയിൽ ഗണേഷ് കുമാറും അഭിനന്ദിച്ചിരുന്നു കോൺഗ്രസ് തലവൂർ ബ്ലോക്ക് വൈസ് പ്രസിഡന്റാണ് തലച്ചിറ അസീസ്.