ലോക്ക്ഡൗൺ ലംഘിച്ച് ക്ഷേത്രത്തിൽ ഭാഗവത പാരായണം നടത്തിയവർക്കെതിരെ കേസ്. അഞ്ച് പേരെ അറസ്റ്റ് ചെയ്തു. തൃശൂർ എരുമപ്പെട്ടിക്ക് സമീപം പാഴിയോട്ടു മുറി നരസിംഹമൂർത്തി ക്ഷേത്രത്തിലായിരുന്നു ഭാഗവത പാരായണം. നൂറോളം പേരാണ് ഭാഗവത പാരായണത്തിൽ പങ്കെടുത്തത്. എരുമപ്പെട്ടി പൊലീസ് സ്ഥലത്തെത്തിയതോടെ പൊലീസിനെ കണ്ട് പകുതിയിലേറെ ആളുകൾ ഓടി പോയി. ലോക്ക് ഡൗൺ നിയമം ലംഘിച്ചതിന് ഇവർക്കെതിരെ കേസെടുത്തിട്ടുണ്ട്. 5 പേരെ അറസ്റ്റ് ചെയ്തു. ലോക് ഡൗൺ തുടങ്ങിയിട്ടും ക്ഷേത്രം അടച്ചിരുന്നില്ലെന്നാണ് പുറത്ത് വരുന്ന വിവരം.
അറസ്റ്റിലായവരില് ബിജെപി സംസ്ഥാന സമിതി അംഗം ഇ ചന്ദ്രനും ഉള്പ്പെടുന്നു. ക്ഷേത്രത്തില് സ്ഥിരമായി ആളുകള് എത്തിയിരുന്നതായാണ് റിപ്പോര്ട്ട്.