സംസ്ഥാനത്തെ എല്ലാ ഗ്രാമ പഞ്ചായത്തുകളും ഇന്ന് തുറന്ന് പ്രവര്ത്തിക്കും. ഫയല് തീര്പ്പാക്കല് തീവ്രയജ്ഞത്തിന്റെ ഭാഗമായാണ് അവധി ദിവസവും ഓഫീസുകള് തുറന്ന് പ്രവര്ത്തിക്കുന്നത്. പഞ്ചായത്ത് ഡയറക്ടര് ഓഫീസും ഡെപ്യൂട്ടി ഡയറക്ടര് ഓഫീസുകളും ഇന്നും പ്രവര്ത്തിക്കുമെന്ന് തദ്ദേശ സ്വയം ഭരണ വകുപ്പ് മന്ത്രി എം വി ഗോവിന്ദന് കഴിഞ്ഞ ദിവസം അറിയിച്ചിരുന്നു.
ജീവനക്കാര് ഫയല് തീര്പ്പാക്കലുമായി ബന്ധപ്പെട്ട പ്രവര്ത്തനങ്ങളാണ് ഇന്ന് നടക്കുക. പൊതുജനങ്ങള്ക്ക് മറ്റ് സേവനങ്ങള് ഇന്ന് ലഭ്യമാകില്ലെന്നും മന്ത്രി അറിയിച്ചു. പെന്ഡിംഗ് ഫയലുകള് ഉടന് തീര്പ്പാക്കാന് വേണ്ട് നടപടി എല്ലാ ജീവനക്കാരും സ്വീകരിക്കണമെന്നും മന്ത്രി ആവശ്യപ്പെട്ടു.
ജൂണ് 15 മുതല് സെപ്റ്റംബര് 30 വരെയാണ് ഫയല് തീര്പ്പാക്കലിനുള്ള തീവ്ര യജ്ഞം. പെന്ഡിംഗ് ഫയലുകളില് പരിഹാരം കണ്ടെത്തി തീര്പ്പാക്കുന്നതിന് മാസത്തില് ഒരു അവധി ദിവസം വിനിയോഗിക്കണമെന്ന് മുഖ്യമന്ത്രി ജീവനക്കാര്ക്ക് നിര്ദ്ദേശം നല്കിയിരുന്നു. ഇതിന്റെ ഭാഗമായാണ് ജൂലൈ മുതല് സെപ്റ്റംബര് വരെ ഓരോ അവധി ദിനം പ്രവര്ത്തി ദിവസമാക്കാന് തീരുമാനിച്ചിരിക്കുന്നത്.
കെട്ടിക്കിടക്കുന്ന ഫയലുകള് തീര്പ്പാക്കാന് നല്ല ഇടപെടല് തദ്ദേശ സ്വയം ഭരണ വകുപ്പ് നടത്തുന്നുണ്ട്. തുടര്ന്നും കൂടുതല് ഊര്ജ്ജസ്വലമായ നടപടികള് സ്വീകരിക്കുമെന്നും മന്ത്രി പറഞ്ഞു.