കേരളത്തിലെ മദ്യശാലകളുടെ പ്രവർത്തനസമയം നീട്ടി സംസ്ഥാന സർക്കാർ. ഇന്ന് മുതൽ രാവിലെ ഒമ്പത് മണി മുതൽ വൈകിട്ട് എട്ട് മണി വരെ മദ്യശാലകൾ തുറന്നു പ്രവർത്തിക്കാനാണ് ഉത്തരവ്. ഓണത്തോട് അനുബന്ധിച്ച് ഉണ്ടാക്കാനിടയുള്ള തിരക്ക് നിയന്ത്രിക്കാനാണ് പ്രവൃത്തിസമയം നീട്ടിയതെന്നാണ് സർക്കാർ വിശദീകരണം.
മദ്യശാലകളുടെ പ്രവർത്തനസമയം നീട്ടി നൽകണമെന്ന ബെവ്കോ എംഡിയുടെ കത്തിന്റെ അടിസ്ഥാനത്തിലാണ് ഉത്തരവ്. നേരത്തേ ഏഴ് മണി വരെയായിരുന്നു മദ്യശാലകൾ തുറന്നിരുന്നത്.