വാൽപ്പാറ അപകടത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്രമോദി. തമിഴ്നാട്ടിലെ കോയമ്പത്തൂരിലുണ്ടായ അപകടത്തെ കുറിച്ച് അറിഞ്ഞതിലുള്ള അതീവദുഃഖം അറിയിക്കുന്നുവെന്ന് എക്സിലൂടെ പ്രധാനമന്ത്രി കുറിച്ചു. ‘പ്രിയപ്പെട്ടവരെ നഷ്ടപ്പെട്ട കുടുംബങ്ങളോട് അഗാധമായ അനുശോചനം രേഖപ്പെടുത്തുന്നു. പരിക്കേറ്റവർ എത്രയും വേഗം സുഖംപ്രാപിക്കട്ടേയെന്ന് പ്രാർത്ഥിക്കുന്നുവെന്ന് എക്സിൽ പങ്കുവച്ച കുറിപ്പിലൂടെ അദ്ദേഹം അറിയിച്ചു.
മരിച്ച അധ്യാപകരുടെ മൃതദേഹങ്ങൾ സ്കൂളിൽ പൊതുദർശനത്തിന് എത്തിച്ചു. സ്കൂളിലെ പ്രധാനാധ്യാപിക അജിത ടീച്ചര്, അധ്യാപകരായ ആശ ടീച്ചര്, റംല ടീച്ചര്, ഷക്കീന ടീച്ചര്, മജീദ് മാസ്റ്റര് അദ്ദേഹത്തിന്റെ ഭാര്യ റുഖിയ, സഹായി സാജിത, സുഹ്റ ടീച്ചര്, പന്ത്രണ്ടുവയസുകാരന് ഹിഷാം എന്നിവരുടെ മൃതദേഹങ്ങളാണ് പൊതുദര്ശനത്തിനായി സ്കൂളിലേക്ക് എത്തിച്ചിരിക്കുന്നത്.
ശേഷം അവരുടെ വീടുകളിലേക്ക് കൊണ്ടുപോകും. തുടര്ന്നായിരിക്കും സംസ്കാരം.അപകടത്തില് ഗുരുതരമായി പരിക്കേറ്റ് കോയമ്പത്തൂര് മെഡിക്കല് കോളേജില് ചികിത്സയിലുളള മുഹമ്മദ് ഫായിസും നൗഷാദ് അലിയും ഗുരുതരാവസ്ഥയില് തുടരുകയാണ്. 48 മണിക്കൂര് നിരീക്ഷണത്തിന് ശേഷമേ കൂടുതല് കാര്യങ്ങള് പറയാനാകു എന്നാണ് ഡോക്ടര്മാര് പറയുന്നത്.