സിപിഐ ഇടുക്കി ജില്ലാ സെക്രട്ടറി കെകെ ശിവരാമന് പരസ്യതാക്കീത് നല്കാന് പാര്ട്ടി തീരുമാനം. പാര്ട്ടി മുഖപത്രമായ ജനയുഗത്തിന്റെ മാനേജ്മെന്റിനെതിരേയും എഡിറ്റോറിയല് ബോര്ഡിനേയും പരസ്യമായി വിമര്ശിച്ചതിനാണ് നടപടി. ഇന്ന് ചേര്ന്ന എക്സിക്യൂട്ടീവ് യോഗത്തിലാണ് തീരുമാനം.
സിപിഐയുടെ സംസ്ഥാന എക്സിക്യൂട്ടീവിലാണ് ശിവരാമന് എതിരെ നടപടി വേണമെന്ന് ആദ്യം വിമർശനം ഉയര്ന്നത്. ഇതിന് പിന്നാലെ സംസ്ഥാന കൗണ്സിലിലും വിഷയം ചര്ച്ച ചെയ്യുകയായിരുന്നു. നാളത്തെ സംസ്ഥാന കൗണ്സിലില് ശിവരാമന്റെ വിശദീകരണം നേരിട്ട് കേട്ടശേഷം നടപടി പരസ്യപ്പെടുത്തും.
ശ്രീനാരായണഗുരു ജയന്തി ദിനത്തില് ഒരു ചിത്രം മാത്രം നല്കിയ ജനയുഗം ഗുരുനിന്ദ നടത്തിയെന്നായിരുന്നു വിമര്ശനം. ഗുരുവിനെ അറിയാത്ത മാനേജ്മെന്റും എഡിറ്റോറിയല് ബോര്ഡും ജനയുഗത്തിന് ഭൂഷണമല്ലെന്ന പരാമര്ശമാണ് നടപടിക്ക് ഇടയാക്കുന്നത്.