വയനാട് മുണ്ടക്കൈ-ചൂരല്മല ഉരുള്പൊട്ടല് ദുരിതബാധിതര്ക്ക് വീട് നിര്മ്മിച്ച് നല്കാമെന്ന് വാഗ്ദാനം ചെയ്ത്് യൂത്ത് കോണ്ഗ്രസ് നേതാക്കള് സാമ്പത്തിക തട്ടിപ്പ് നടത്തിയതായി പരാതി. യൂത്ത് കോണ്ഗ്രസ് അധ്യക്ഷന് രാഹുല് മാങ്കൂട്ടത്തില് ഉള്പ്പെടെയുള്ളവര്ക്കെതിരെയാണ് പരാതി. 30 വീട് നിര്മിച്ച് നല്കാമെന്ന് പറഞ്ഞ് സാമ്പത്തിക ദുരുപയോഗം നടത്തിയെന്നാണ് പരാതി.
യൂത്ത് കോണ്ഗ്രസ് വൈസ് പ്രസിഡന്റ് അബിന് വര്ക്കിയ്ക്കെതിരെയും പരാതിയുണ്ട്. കോലഞ്ചേരി സ്വദേശിനിയാണ് കൊച്ചി സെന്ട്രല് പൊലീസില് പരാതി നല്കിയത്. നേരത്തെ ആലപ്പുഴയിലെ സംസ്ഥാന പഠന ക്യാമ്പിലെ ചര്ച്ചയില് യൂത്ത് കോണ്ഗ്രസ് ഭവന നിര്മാണ പദ്ധതി നടന്നില്ലെന്ന വിമര്ശനം ഉയര്ന്നിരുന്നു.
വയനാട്ടില് വീടുകള് നിര്മിക്കുന്നതിനായി ഒരു മണ്ഡലത്തില് നിന്ന് രണ്ടു ലക്ഷം രൂപ പിരിച്ചെടുക്കണമെന്നായിരുന്നു നിര്ദേശം. പണം പിരിച്ചു തരാത്ത നിയോജക മണ്ഡലം പ്രസിഡന്റുമാരെ മാറ്റുമെന്നും നേതൃത്വം പറഞ്ഞിരുന്നുവെന്നും എന്നാല്, ഭൂരിപക്ഷം കമ്മിറ്റികളും പണം നല്കിയിട്ടും വീടുപണി തുടങ്ങിയില്ലെന്നും ഇത് ആകെ നാണക്കേടായെന്നുമായിരുന്നു പ്രതിനിധികളുടെ വിമര്ശനം.