പ്രശസ്ത സാഹിത്യകാരനായ എം.ടി വാസുദേവന് നായരെ മുഖ്യമന്ത്രി പിണറായി വിജയന് സന്ദര്ശിച്ചു. എം.ടിക്ക് പിറന്നാള് ആശംസകള് നേര്ന്ന മുഖ്യമന്ത്രി പിറന്നാള് കോടിയും സമ്മാനിച്ചു. എം.ടിയുടെ കോഴിക്കോട് നടക്കാവിലെ വീട്ടിലെത്തിയ മുഖ്യമന്ത്രിയോടൊപ്പം മുന് എം.എല്.എമാരായ എ പ്രദീപ് കുമാര്, പുരുഷന് കടലുണ്ടി തുടങ്ങിയവര് ഉണ്ടായിരുന്നു.
സൗഹൃദ സംഭാഷണങ്ങളോടെ ആരംഭിച്ച കൂടിക്കാഴ്ച ഗൗരവം നിറഞ്ഞ ചര്ച്ചകളിലേക്ക് വഴിമാറി. എം.ടിയുടെ ആരോഗ്യ വിവരങ്ങള് ആരാഞ്ഞായിരുന്നു തുടക്കം. ആരോഗ്യകാര്യങ്ങളില് ശ്രദ്ധവേണമെന്നും എല്ലാ പ്രതിസന്ധികളെയും തരണം ചെയ്ത് മുന്നോട്ടുപോകണമെന്നും മുഖ്യമന്ത്രി പറഞ്ഞു.
മലയാളം പി.എച്ച്.ഡി നേടിയ ഉദ്യോഗാര്ഥികള് നിയമനവുമായി ബന്ധപ്പെട്ട് നല്കിയ നിവേദനം എം.ടി മുഖ്യമന്ത്രിക്ക് നല്കി. കാല് മണിക്കൂറോളം സൗഹൃദ സംഭാഷണത്തിന് ശേഷമാണ് മുഖ്യമന്ത്രി മടങ്ങിയത്.