കളമശേരി മെഡിക്കല്‍ കോളജ് ഐസിയുവിലെ വീഴ്ച അതീവഗൗരവമാണെന്നും നടപടി എടുക്കുമെന്നും മുഖ്യമന്ത്രി പിണറായി വിജയൻ. ആരോഗ്യമേഖലയുടെ യശസിന് ഇടിവ് തട്ടിച്ചെന്നും പിണറായി വാർത്താസമ്മേളനത്തിൽ പറഞ്ഞു.
അതേസമയം കേരളത്തിലെ കോവിഡ് പ്രതിരോധത്തിൽ പലർക്കും അസ്വസ്ഥതയുണ്ടാക്കുന്നതായി മുഖ്യമന്ത്രി പറഞ്ഞു. കേരളത്തെ അപകീർത്തിപ്പെടുത്താൻ ശ്രമം നടക്കുന്നെന്നും അദ്ദേഹം കൂട്ടിചേർത്തു.
വസ്തുതകൾ മറച്ചു കൊണ്ട് കേരളത്തെ അപകീർത്തിപ്പെടുത്താൻ ശ്രമം നടക്കുന്നെന്ന് മുഖ്യമന്ത്രി പറഞ്ഞു. കേരളം രാജ്യാന്തരപുരസ്കാരങ്ങൾ തേടിപ്പോയിട്ടില്ലെന്നും അപേക്ഷ നൽകിയിട്ടുമില്ലെന്നും അദ്ദേഹം കൂട്ടിചേർത്തു.
ഓണാവധിക്കാലത്ത് വളരെയേറെ ഇളവ് അനുവദിച്ചു എന്ന പ്രചാരണം വാസ്തവ വിരുദ്ധമാണ്. വളരെ ചെറിയ ഇളവു മാത്രമാണ് നൽകിയത്. നിരവധി മാർഗനിർദേശങ്ങൾ സർക്കാർ പുറത്തിറക്കിയിരുന്നെന്നും അദ്ദേഹം പറഞ്ഞു.