കൊല്ലം, അവണൂര് ഭാഗത്ത് കുട്ടികളില് അജ്ഞാത പനി പടരുന്നു. തക്കാളി പനിയെന്നാണ് നിലവിലുള്ള സംശയം . കൊട്ടാരക്കര നഗരസഭ ഒന്നാം വാര്ഡിലും നെടുവത്തൂര് പഞ്ചായത്ത് അഞ്ചാം വാര്ഡിലും ഉള്പ്പെട്ട അവണൂര് ഭാഗത്താണ് രോഗബാധിതരേറെ . പനി ബാധിച്ച 8 കുട്ടികളെ ആശുപത്രികളില് പ്രവേശിപ്പിച്ചു. അങ്കണവാടിയിലെ കുട്ടികളിലാണ് കൂടുതല് പനി ബാധിതരെന്നാണ് വിവരം.
വിട്ടുമാറാത്ത പനിയും ശരീര ഭാഗങ്ങളിലെ ചുവന്ന് പൊങ്ങിയ നിറവും ആണ് ലക്ഷണം. ചില കുട്ടികള്ക്ക് നാവിലും കുമിളകള് ഉണ്ട്. ആഹാരം കഴിക്കാതെ വന്നതോടെ ഡോക്ടര്മാരെ സമീപിക്കുകയായിരുന്നു.
തക്കാളി പനിയുടെ ലക്ഷണമാണെന്നാണ് ഡോക്ടര്മാര് പറയുന്നത്. രോഗത്തെക്കുറിച്ച് പരിശോധന ആരംഭിച്ചെന്ന് ആരോഗ്യ വകുപ്പ് അധികൃതര് അറിയിച്ചു