മരട് ഫ്ളാറ്റ് കേസില്് ചീഫ് സെക്രട്ടറി സുപ്രീം കോടതിയില് ഇന്ന് ഹാജരാകും.കോടതിയില് ഹാജരാകാനായി ചീഫ് സെക്രട്ടറി ടോം ജോസ് രാത്രിയോടെ ഡല്ഹിയില് എത്തി.. കോടതി വിധി നടപ്പാക്കുമെന്ന് ഉറപ്പുനല്കിയിട്ടുണ്ടെങ്കിലും ചീഫ് സെക്രട്ടറി നേരിട്ട് ഹാജരാകുന്നതാണ് നല്ലതെന്നാണ് സര്ക്കാരിന് കിട്ടിയ നിയമോപദേശം.
അതിനിടെ മരടിലെ ഫ്ളാറ്റുകള് പൊളിച്ചു നീക്കാന് സംസ്ഥാന സര്ക്കാരിന് താല്പര്യമില്ലെന്നും ഫ്ളാറ്റ് നിര്മാതാക്കളുമായി ഒത്തുകളിക്കുകയാണെന്നും ആരോപിച്ചു സുപ്രീംകോടതിയ്ക്ക് പരിസ്ഥിതി സംരക്ഷണ ഗവേഷണ കൗണ്സില് കത്തയച്ചിരുന്നു. ഈ കത്തും നാളെ സുപ്രീംകോടതി പരിഗണിക്കും. കത്ത് പരിഗണിക്കാനായി സുപ്രീംകോടതി രജിസ്ട്രി ഓഫീസ് റിപ്പോര്ട്ട് പുറത്തിറക്കിയിരുന്നു.
നേരത്തെ സുപ്രീംകോടതി വിധി നടപ്പാക്കാന് ബാധ്യതയുണ്ടെന്ന് പറഞ്ഞ ചീഫ് സെക്രട്ടറി ഇക്കാര്യത്തില് എന്തെങ്കിലും പോരായ്മ ഉണ്ടായാല് മാപ്പ് തരണമെന്ന് സുപ്രീം കോടതിയില് ആവശ്യപ്പെട്ടിരുന്നു. മരട് കേസില് സുപ്രീംകോടതി വിധി നടപ്പാക്കാന് തയ്യാറാണെന്ന് കഴിഞ്ഞ ദിവസം കേസ് പരിഗണിച്ചപ്പോള് സംസ്ഥാന സര്ക്കാര് സത്യവാങ്മൂലം നല്കിയിരുന്നു