പത്തനംതിട്ടയിലെ എന്ഡിഎ സ്ഥാനാര്ത്ഥി അനില് ആന്റണിയുടെ ഇപ്പോഴത്തെ രാഷ്ട്രീയത്തില് തനിക്ക് വിശ്വാസമില്ലെന്ന് ഉമ്മന്ചാണ്ടിയുടെ ഭാര്യ മറിയാമ്മ ഉമ്മന്. അനില് ആന്റണിയുടെ രാഷ്ട്രീയ നിലപാടില് വിയോജിപ്പുണ്ട്. അനിലിനോട് തനിക്ക് അമ്മ മനസാണ്. ചാണ്ടിയും അനിലും തനിക്ക് ഒരു പോലെയാണെന്നും മറിയാമ്മ ഉമ്മന് കൂട്ടിച്ചേര്ത്തു.
പത്തനംതിട്ടയില് യുഡിഎഫ് സ്ഥാനാര്ത്ഥി ആന്റോ ആന്റണി ജയിക്കണമെന്നും മറിയാമ്മ ഉമ്മന് പറഞ്ഞു. ഉമ്മന്ചാണ്ടിയുടെ മക്കള്ക്ക് കൊക്കില് ശ്വാസമുള്ള കാലത്തോളം ബിജെപിയിലേക്ക് പോകാന് സാധിക്കുമോ എന്നും മറിയാമ്മ ചോദിച്ചു. അവര്ക്ക് ഒരു നിമിഷം അതേ കുറിച്ച് ചിന്തിക്കാന് പോലും സാധിക്കില്ലെന്നും മറിയാമ്മ പറഞ്ഞു.
ഉമ്മന്ചാണ്ടിയുടെ മുത്തച്ഛന് മുതല് രാഷ്ട്രീയ രംഗത്ത് സജീവമായിരുന്നു. രാഷ്ട്രീയത്തില് ഉമ്മന്ചാണ്ടി മൂന്നാം തലമുറക്കാരനും ചാണ്ടി നാലാം തലമുറക്കാരനുമാണ്. കോണ്ഗ്രസ് നേതൃത്വം നല്കിയ സര്ക്കാര് നടപ്പാക്കിയ പഞ്ചവത്സര പദ്ധതികളിലൂടെ രാജ്യത്തെ ദാരിദ്ര്യത്തിനും മറ്റ് പ്രശ്നങ്ങള്ക്കും പരിഹാരം കണ്ടെത്താന് സാധിച്ചിട്ടുണ്ടെന്നും മറിയാമ്മ പറഞ്ഞു.