വൈക്കത്ത് അയല്വാസിയുടെ വെടിയേറ്റ പൂച്ച ചത്തു. തലയാഴം സ്വദേശികളായ പാരണത്ര വീട്ടില് രാജു, സുജാത എന്നിവരുടെ പൂച്ചയാണ് ചത്തത്. തന്റെ പ്രാവിനെ ആക്രമിച്ചു എന്ന് ആരോപിച്ച് ഇവരുടെ അയല്വാസിയായ രമേശനാണ് ഞായറാഴ്ച പൂച്ചയെ വെടിവെച്ചത്. ആക്രമത്തില് പൂച്ചയുടെ കരളില് മുറിവും കുടലിനു ക്ഷതവുമേറ്റിരുന്നു. ചൊവ്വാഴ്ച രാത്രിയോടെ ചത്തത്.
വെടിയേറ്റ ഉടനെ പൂച്ചയെ മൃഗാശുപത്രിയില് എത്തിച്ച് ചികിത്സ ലഭ്യമാക്കിയിരുന്നു. അന്നേരം ആരോഗ്യനില മെച്ചപ്പെട്ടുവെങ്കിലും ഇന്നലെ ജീവന് നഷ്ട്ടപ്പെട്ടു. പ്രാവിനെ ആക്രമിച്ചതിനെ തുടര്ന്ന് രമേശന് എയര്ഗണ് ഉപയോഗിച്ച് പൂച്ചക്കുഞ്ഞിനെ വെടിവെക്കുകയായിരുന്നു. സംഭവത്തില് വൈക്കം പോലീസ് സ്വമേധയാ കേസെടുത്തിട്ടുണ്ട്.
രാജുവിന്റെ വീട്ടില് വളര്ത്തിയിരുന്ന ഇവരുടെ 15 ലധികം പൂച്ചകളെയും പലപ്പോഴായി ചത്ത നിലയില് കണ്ടെത്തിയിട്ടുണ്ട്. ഇനി ഇങ്ങനെ ഒരു പ്രശ്നം ഉണ്ടാകാതിരിക്കാന് നിയമ സഹായം തേടുമെന്നും ഇവര് അറിയിച്ചു. അയല്വക്കത്തെ വീട്ടില് നിന്ന് പടക്കം പൊട്ടുന്ന ശബ്ദവും പൂച്ചയുടെ നിലവിളിയും കേട്ടു. രാജുവും ഭാര്യ സുജാതയും മകള് നീരജയും അലഞ്ഞുതിരിഞ്ഞു നടക്കുന്ന പൂച്ചകള്ക്ക് ഭക്ഷണം നല്കാറുണ്ട്. അഞ്ചോളം പൂച്ചകള് ഇവരുടെ വീട്ടില് വളരുന്നുണ്ട്.