കര്ദ്ദിനാള് മാര് ജോര്ജ്ജ് ആലഞ്ചേരിക്കെതിരായ വ്യാജ രേഖ ചമയ്ക്കല് കേസില് പ്രതിപട്ടികയില് നിന്ന് ഒഴിവാക്കണമെന്ന് ആവശ്യപ്പെട്ടുള്ള ഹര്ജി ഇന്ന് ഹൈക്കോടതി പരിഗണിച്ചേക്കും. എറണാകുളം- അങ്കമാലി അതിരൂപത അപ്പോസ്തലിക് അഡ്മിനിസ്ട്രേറ്റര് ബിഷപ്പ് ജേക്കബ് മനത്തോടത്ത്, ഫാദര് പോള് തേലക്കാട് എന്നിവരാണ് എന്നിവരാണ് ഹര്ജി സമര്പ്പിച്ചത്. പ്രതിപട്ടികയില് നിന്നും ഇരുവരെയും ഒഴിവാക്കാനുള്ള ആവശ്യം നേരത്തെ കോടതി നിഷേധിച്ചിരുന്നു.
അതേസമയം അന്വേഷണത്തിന്റെ പേരില് ഇരുവരെയും പീഡിപ്പിക്കരുതെന്ന നിര്ദ്ദേശം പൊലീസിന് നല്കിയിരുന്നു. കേസില് ഒരു പ്രതി കഴിഞ്ഞ ദിവസം അറസ്റ്റിലാവുകയും വൈദികരടക്കമുള്ളവരിലേക്ക് അന്വേഷണം വ്യാപിക്കുകയും ചെയ്ത പശ്ചാത്തലത്തിലാണ് കേസ് ഇന്ന് കോടതി വീണ്ടും പരിഗണിക്കുന്നത്. ഇതിനിടെ കേസില് പോലീസ് അന്വേഷിക്കുന്ന ഫാ.ടോണി കല്ലൂക്കാരന് ഹൈക്കോടതിയില് ഇന്ന് മുന്കൂര് ജാമ്യാപേക്ഷ നല്കിയേക്കും.
കേസില് അറസ്റ്റിലായ ആദിത്യനെ കഴിഞ്ഞ ദിവസം റിമാന്ഡ് ചെയ്തിരുന്നു. ഇന്റര്നെറ്റില് വ്യാജരേഖ ആദ്യം അപ്ലോഡ് ചെയ്തത് ആദിത്യനാണ്.