തമിഴ്നാട്ടിലെ പൊള്ളാച്ചിയിലുണ്ടായ വാഹനാപകടത്തിൽ നാലു മലയാളികൾ കൊല്ലപ്പെട്ടു. ഇന്ന് രാവിലെ പൊള്ളാച്ചി ഉദുമലയ്ക്കു സമീപം മലയാളികൾ സഞ്ചരിച്ച കാർ നിയന്ത്രണംവിട്ടു കനാലിലേക്കു മറിയുകയായിരുന്നു.
മൂന്നാറിൽനിന്നു പൊള്ളാച്ചിയിലേക്കു പോകുകയായിരുന്ന കാറിൽ അഞ്ചു പേരാണ് ഉണ്ടായിരുന്നത്. ഇതിൽ ഒരാൾ രക്ഷപ്പെട്ടു. അങ്കമാലി മഞ്ഞപ്ര സ്വദേശി ആൽഫയാണു രക്ഷപെട്ടത്. മരിച്ച മലയാളികളുടെ എണ്ണം നാലായി.
കനാലിൽവീണു കാണാതായ റിജോയുടെ മൃതദേഹം തെരച്ചിലിനൊടുവിൽ ഇന്ന് വൈകിട്ടോടെയാണ് കണ്ടെത്തിയത്. അങ്കമാലി സ്വദേശികളായ ജാക്സണ്, ജിതിൻ ജോയ്, അമൽ എന്നിവരാണു നേരത്തെ മരിച്ചതായി സ്ഥിരീകരിച്ചത്.