കണ്ണൂര് മുന് എഡിഎം നവീന് ബാബുവിന്റെ മരണത്തില് കേസെടുത്തതിന് പിന്നാലെ ജാമ്യം ലഭിച്ച മുന് ജില്ലാ പഞ്ചായത്ത് പ്രസിഡന്റ് പിപി ദിവ്യയ്ക്ക് ജാമ്യ വ്യവസ്ഥകളില് ഇളവ്. കണ്ണൂര് ജില്ല വിട്ടുപോകുന്നതിനും ജില്ലാ പഞ്ചായത്ത് യോഗങ്ങളില് പങ്കെടുക്കുന്നതിനുമാണ് ജാമ്യ വ്യവസ്ഥയില് ഇളവുകള് അനുവദിച്ചിട്ടുള്ളത്.
തിങ്കളാഴ്ച ദിവസം അന്വേഷണ ഉദ്യോഗസ്ഥന് മുമ്പില് ഹാജരാകണമെന്ന വ്യവസ്ഥക്കും ഇളവ് നല്കിയിട്ടുണ്ട്. അന്വേഷണ ഉദ്യോഗസ്ഥന് ആവശ്യപ്പെടുമ്പോള് മാത്രം ഹാജരായാല് മതി. തലശ്ശേരി സെഷന്സ് കോടതിയില് നല്കിയ അപേക്ഷയിലാണ് ഉത്തരവ് പുറത്തുവന്നിരിക്കുന്നത്. കേസില് നേരത്തെ പിപി ദിവ്യ ജാമ്യം നേടിയിരുന്നു.
നവീന് ബാബുവിന്റെ യാത്ര അയപ്പ് ചടങ്ങില് പങ്കെടുത്ത പിപി ദിവ്യ പരസ്യമായി അധിക്ഷേപിച്ചതിന് പിന്നാലെ എഡിഎം നവീന് ബാബു ആത്മഹത്യ ചെയ്തത്. ഒക്ടോബര് 14 ന് നടന്ന യാത്രയയപ്പ് യോഗത്തിലായിരുന്നു വിവാദങ്ങളുടെ തുടക്കം.