മാധ്യമപ്രവർത്തകയോട് മോശമായി പെരുമാറിയ സുരേഷ് ഗോപിയെ പിന്തുണച്ച് ബിജെപി നേതാവ് എം ടി രമേശ്. സിനിമാ നടനായതുകൊണ്ട് സുരേഷ് ഗോപിയുടെ പ്രതികരണവും സിനിമാ സ്റ്റൈലിലാകും എന്നാണ് എംടി രമേശ് പറഞ്ഞത്. 20% മാത്രമാണ് അയാൾ രാഷ്ട്രീയക്കാരൻ. 80% സിനിമാ നടൻ ആണ്. അപ്പോൾ സിനിമാ സ്റ്റൈലിൽ പ്രതികരിക്കും എന്നായിരുന്നു എംടി രമേശിന്റെ വാക്കുകൾ.
അതേ സമയം വനിതാ മാധ്യമ പ്രവർത്തകർ സുരേഷ് ഗോപിയുടെ അടുത്ത് പോകണോ എന്ന് മാധ്യമങ്ങൾക്ക് തീരുമാനിക്കാമെന്നും എംടി രമേശ് പറഞ്ഞു. നേരത്തെ തന്നോട് ചോദ്യം ചോദിച്ച മാധ്യമ പ്രവർത്തകയുടെ ശരീരത്തിൽ കൈവച്ച് സുരേഷ് ഗോപി മോശമായി പെരുമാറിയ സംഭവം പൊലീസ് കേസായിരുന്നു. അതിനു പിറകെയാണ് കഴിഞ്ഞ ദിവസം അതുമായി ബന്ധപ്പെട്ട് ചോദ്യം ചോദിച്ച മറ്റൊരു മാധ്യമപ്രവർത്തകയോട് കയർത്ത് സംസാരിച്ചതും വിവാദമായതോടെയാണ് എംടി രമേശിന്റെ പ്രതികരണം.
