ബാലഭാസ്കറിന്റെ മരണവുമായി ബന്ധപ്പെട്ട കേസിൽ ഡ്രൈവർ അർജുനെ പ്രതിയാക്കി സിബിഐ കുറ്റപത്രം സമർപ്പിച്ചു. തിരുവനന്തപുരം സിജെഎം കോടതിയിലാണ് കുറ്റപത്രം സമർപ്പിച്ചത്.
ബാലഭാസ്കറിന്റേത് അപകടമരണം തന്നെയാണെന്നും മരണത്തിൽ ദുരൂഹതയില്ലെന്നും കുറ്റപത്രത്തിൽ പറയുന്നു. 132 സാക്ഷിമൊഴികൾ രേഖപ്പെടുത്തി. നൂറിലധികം രേഖകൾ പരിശോധിച്ചു.
അർജുനെതിരെ ചുമത്തിയിരിക്കുന്നത് മനഃപൂർവമല്ലാത്ത നരഹത്യ കുറ്റമാണ്. അതേസമയം തെറ്റായ വിവരങ്ങൾ നൽകിയതിനും തെളിവുകൾ കെട്ടിച്ചമച്ചതിനും കലാഭവൻ സോബിക്കെതിരെ കേസെടുക്കും.
