തൃശൂരില് ഭാര്യയുടെ തല തിളച്ച കഞ്ഞിയിലേക്ക് മുക്കിപ്പിടിച്ച് കൊലപ്പെടുത്താന് ശ്രമിച്ച ഭര്ത്താവ് പൊലീസ് കസ്റ്റഡിയില്. തൃശൂര് കുറ്റിച്ചിറ വെട്ടിക്കുഴി പുലികുന്നേല് വീട്ടില് ഡെറിന് ആണ് പിടിയിലായത്. ഭാര്യ സ്വന്തം വീട്ടിലേക്ക് പോകണമെന്ന് ആവശ്യപ്പെട്ടതിന് പിന്നാലെ ആയിരുന്നു പ്രതി കൊലപ്പെടുത്താന് ശ്രമിച്ചത്.
ഫെബ്രുവരി 3ന് ആയിരുന്നു കേസിന് ആസ്പദമായ സംഭവം നടന്നത്. യുവതി സ്വന്തം വീട്ടിലേക്ക് പോകണമെന്ന് ആവശ്യപ്പെട്ടതിന് പിന്നാലെ ഡെറിന് ഇവരെ ആക്രമിക്കുകയായിരുന്നു. മദ്യപിച്ചെത്തിയ പ്രതി ഭാര്യയെ ആക്രമിക്കുകയും മുഖത്തടിക്കുകയുംചെയ്തു. തുടര്ന്ന് കഴുത്ത് ഞെക്കിപ്പിടിച്ച് അടുക്കളയിലേക്ക് വലിച്ചിഴച്ച് കൊണ്ടുപോയി.
ഇതിനുശേഷം തിളച്ചിരിക്കുകയായിരുന്ന കഞ്ഞിയിലേക്ക് തല മുക്കിപ്പിടിച്ച് കൊല്ലാന് ശ്രമിച്ചെന്നാണ് കേസ്. ആക്രമണത്തില് ഗുരുതരമായി പരിക്കേറ്റ യുവതി ചാലക്കുടി താലൂക്ക് ആശുപത്രിയില് ചികിത്സയിലാണ്.
ആക്രമണത്തിന് പിന്നാലെ പ്രതി ഡെറിന് ഒളിവില് പോയിരുന്നു. തുടര്ന്ന് നടത്തിയ അന്വേഷണത്തിലാണ് പ്രതി പിടിയിലായത്. ഡെറിന് ആറ് ക്രിമിനല് കേസുകളിലെ പ്രതിയാണെന്ന് പൊലീസ് അറിയിച്ചു. ചായ്പ്പന്കുഴിയില് നിന്നാണ് പ്രതിയെ പൊലീസ് പിടികൂടിയത്.