മുന് ഡിവൈഎഫ്ഐ നേതാവായ ആകാശ് തില്ലങ്കേരി വീണ്ടും അറസ്റ്റില്. ഗുണ്ടാ ആക്ട് പ്രകാരം മുഴക്കുന്ന് പൊലീസാണ് ആകാശ് തില്ലങ്കേരിയെ അറസ്റ്റ് ചെയ്തത്. കാപ്പ ചുമത്തി ജയിലിലടച്ച ആകാശ് തില്ലങ്കേരി പുറത്തിറങ്ങിയത് കഴിഞ്ഞ 27നാണ്. സ്വര്ണക്കടത്ത്, ക്വട്ടേഷന് അടക്കമുള്ള കേസുകളില് പ്രതിയാണ് ആകാശ് തില്ലങ്കേരി.
കാപ്പ തടവുകാരനായി വിയ്യൂര് ജയിലില് കഴിയവേ അസിസ്റ്റന്റ് സൂപ്രണ്ടിനെ മര്ദിച്ച സംഭവത്തില് നേരത്തെ അറസ്റ്റിലായിരുന്നു. യൂത്ത് കോണ്ഗ്രസ് പ്രവര്ത്തകന് ഷുഹൈബ് വധക്കേസിലെ പ്രതികൂടിയാണ് ആകാശ് തില്ലങ്കേരി. വിയ്യൂര് സെന്ട്രല് ജയിലില് ജയിലറെ മര്ദിച്ചെന്ന കേസിലും പ്രതിയായതോടെയാണ് ആകാശിനെതിരേ വീണ്ടും ‘കാപ്പ’ ചുമത്തിയത്. ബുധനാഴ്ച മകളുടെ പേരിടങ്ങല് ചടങ്ങിനായി വീട്ടിലെത്തിയപ്പോളാണ് അറസ്റ്റ് ഉണ്ടായത്.
പേരിടല് ചടങ്ങിനിടെ പോലീസ് വാഹനം കണ്ട് ആകാശ് കാര്യം തിരക്കാനായി വാഹനത്തിന്റെ അടുത്തെത്തിയിരുന്നു. തുടര്ര്ന്ന് പോലീസ് സംഘം ഇയാളെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി. ഇതോടെ വീട്ടില് ചടങ്ങിനെത്തിയിരുന്ന ബന്ധുക്കളടക്കം സ്റ്റേഷന് മുന്നിലെത്തി തടിച്ചുകൂടി. ഇവര്ക്കെതിരെ പൊലീസ് കേസെടുക്കുമെന്ന് അറിയിച്ചതോടെയാണ് ഇവര് പിരിഞ്ഞ് പോയത്.