മലമ്പുഴയിലെ ചെറാട് മലയില് കുടുങ്ങിയ യുവാവിനെ രക്ഷപ്പെടുത്താനുള്ള ശ്രമങ്ങള് ഊര്ജ്ജിതമായി തുടരുകയാണെന്ന് മുഖ്യമന്ത്രി പിണറായി വിജയന്. കരസേനയുടെ ഒരു ടീം മലയുടെ മുകളില് നിന്നും ഒരു ടീം മലയുടെ താഴെ നിന്നും രക്ഷപ്രവര്ത്തനത്തില് ഏര്പ്പെട്ടിരിക്കുകയാണ്. ഇന്ന് പകലോടെ രക്ഷപ്രവര്ത്തനം ഊര്ജ്ജിതപ്പെടുത്തി യുവാവിനെ മലയിടുക്കില് നിന്നും രക്ഷപ്പെടുത്താന് സാധിക്കും എന്നാണ് കരസേന ടീം നല്കിയിരിക്കുന്ന വിവരമെന്ന് മുഖ്യമന്ത്രി ഫേസ്ബുക്കില് കുറിച്ചു.
ഫേസ്ബുക്ക് കുറിപ്പ്:
മലമ്പുഴയിലെ ചെറാട് മലയില് കുടുങ്ങിയ യുവാവിനെ രക്ഷപ്പെടുത്താനുള്ള ശ്രമങ്ങള് ഊര്ജ്ജിതമായി തുടരുകയാണ്. നിലവില് കരസേനയുടെ രണ്ട് യൂണിറ്റുകളാണ് സംഭവസ്ഥലത്ത് ഉള്ളത്. ഒരു ടീം മലയുടെ മുകളില് നിന്നും ഒരു ടീം മലയുടെ താഴെ നിന്നും രക്ഷപ്രവര്ത്തനത്തില് ഏര്പ്പെട്ടിരിക്കുകയാണ്. കരസേന അംഗങ്ങള്ക്ക് യുവാവുമായി സംസാരിക്കാന് സാധിച്ചു. ഇന്ന് പകലോടെ രക്ഷപ്രവര്ത്തനം ഊര്ജ്ജിതപ്പെടുത്തി യുവാവിനെ മലയിടുക്കില് നിന്നും രക്ഷപ്പെടുത്താന് സാധിക്കും എന്നാണ് കരസേന ടീം നല്കിയിരിക്കുന്ന വിവരം. എയര്ഫോഴ്സിന്റെ ഒരു ഹെലിക്കോപ്റ്ററും നിലവില് തയ്യാറായിട്ടുണ്ട്.