സംസ്ഥാന സര്ക്കാരിന്റെ ഏറ്റവും പുതിയ മദ്യ ബ്രാന്റായ ‘മിന്നല് മാജിക്ക്’ ഈ മാസം വിപണിയിൽ എത്തും. ബിവറേജസ് കോര്പ്പറേഷന്റെ ബെവ്കോ ഔട്ട്ലെറ്റുകള് വഴിയാകും വിതരണം. എംഎം എന്ന ചുരുക്കപ്പേരിലാണ് ബ്രാന്റ് അറിയപ്പെടുന്നത്.
കുറഞ്ഞ വിലയ്ക്ക് സര്ക്കാരിന്റെ മദ്യം ലഭ്യമാക്കുക എന്ന ലക്ഷ്യത്തോടെയാണ് ‘മിന്നല് മാജിക്ക്’ ഉല്പാദിപ്പിക്കുന്നത്. ഒരു കുപ്പിക്ക് 400 രൂപയാണ് വില വരുന്നത്. പാലക്കാട്ടെ മലബാര് ഡിസ്ലറിയിലാണ് ഉത്പാദനം. പ്രതിദിനം 900 കെയിസ് മദ്യമുണ്ടാക്കാനാണ് ബെവ്കോയുടെ ലക്ഷ്യം.
ഈ മാസം അവസാനത്തോടെ മിന്നല് മാജിക് ഔട്ട്ലെറ്റുകളില് ലഭ്യമാകും എന്നാണ് സര്ക്കാര് വൃത്തങ്ങള് അറിയിക്കുന്നത്. വിതരണം ആരംഭിക്കുന്ന കൃത്യമായ തീയതി പുറത്തുവിട്ടിട്ടില്ല.