കോഴിക്കോട് കോടഞ്ചേരിയില് നൃത്താധ്യാപികയും ബിരുദ വിദ്യാര്ഥിനിയുമായ യുവതിയെ തൂങ്ങി മരിച്ച നിലയില് കണ്ടെത്തി. ആയാടത്തില് അനന്തന്റെ മകള് ചന്ദന (19) ആണ് മരിച്ചത്. മടപ്പള്ളി ഗവ. കോളജ് രണ്ടാം വര്ഷ ബിരുദ വിദ്യാര്ഥിയാണ് ചന്ദന.
കഴിഞ്ഞ ദിവസം നൃത്തം അഭ്യസിക്കാന് എത്തിയ കുട്ടികളാണ് ചന്ദനയെ തൂങ്ങി മരിച്ച നിലയില് കണ്ടത്. ഈ സമയത്ത് വീട്ടുകാര് പുറത്തുപോയിരുന്നു. മൃതദേഹം നാദാപുരം സര്ക്കാര് ആശുപത്രിയിലേക്ക് മോര്ച്ചറിയില്. കോഴിക്കോട് മെഡിക്കല് കോളജ് ആശുപത്രിയില് എത്തിച്ച് പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം ഇന്ന് ബന്ധുക്കള്ക്ക് വിട്ടു നല്കും.