ഐശ്വര്യ റായ്യുടെ സിനിമാ ചോയ്സുകള് എന്നും ശ്രദ്ധ നേടാറുണ്ട്. ‘ധൂം 2’വിലെ സുനേരി എന്ന ഐശ്വര്യയുടെ ബോള്ഡ് കഥാപാത്രം പ്രേക്ഷകര് ഏറ്റെടുത്തിരുന്നു. ധൂം ആദ്യ ഭാഗത്തേക്കാള് ശ്രദ്ധയും ധൂം 2വിന് ലഭിച്ചിരുന്നു. എന്നാല് ധൂം 2വിന്റെ റിലീസിന് പിന്നാലെ ഐശ്വര്യയ്ക്ക് ലീഗല് നോട്ടീസ് ലഭിച്ചിരുന്നു.
ഡെയ്ലി മെയിലിന് നല്കിയ പഴയൊരു അഭിമുഖത്തില് ഐശ്വര്യ തന്നെ ഇക്കാര്യം വ്യക്തമാക്കിയിട്ടുണ്ട്. ഹൃത്വിക് റോഷനുമായുള്ള ലിപ്ലോക് സീനിനെതിരെയാണ് ലീഗല് നോട്ടീസ് എത്തിയത്. എന്തിനാണ് ഇങ്ങനൊരു ചുംബനരംഗം ചെയ്തത് എന്ന് ആരാധകരും ചോദിച്ചിരുന്നു.
ചുംബന സീനുകളും ഇന്റിമേറ്റ് രംഗങ്ങളുമുള്ള നിരവധി സിനിമകള് ഐശ്വര്യ നേരത്തെ റിജക്ട് ചെയ്തിട്ടുണ്ട്. എങ്കിലും ധൂം 2വില് താരം അത്തരത്തിലൊരു രംഗം ചെയ്യാന് തയാറാവുകയായിരുന്നു. മൂന്ന് മണിക്കൂറുള്ള സിനിമയില് ഏതാനും സെക്കന്ഡുകളിലും തന്റെ ജോലി മാത്രമാണ് ചെയ്തത് എന്നും ഐശ്വര്യ വ്യക്തമാക്കിയിരുന്നു.
അതേസമയം, മണിരത്നത്തിന്റെ ‘പൊന്നിയിന് സെല്വന്’ ആണ് ഐശ്വര്യയുടെതായി ഒടുവില് റിലീസ് ചെയ്തത്. ചിത്രത്തിന്റെ രണ്ട് ഭാഗങ്ങളിലും ഗംഭീര പ്രകടനമായിരുന്നു ഐശ്വര്യ കാഴ്ചവച്ചത്. 500 കോടിക്ക് മുകളില് നേടിയ ചിത്രങ്ങള് തമിഴകത്ത് ഗംഭീര വിജയമായിരുന്നു.